भांगरभूंय | प्रतिनिधी
एनओसी रद्द जाल्ल्यान राज्यांतल्या खातेंधारकां मदीं बोवाळ
पणजी : ऑडिट अहवाल सादर करुंक नाशिल्ल्यान आनी अटींक पाळो दिवंक नाशिल्ल्यान 13 फांटे सूरू करपाची एनओसी रद्द करपाच्या सरकाराच्या निर्णयाक लागून तिरुमाला तिरुपती सोसायटीक व्हडा प्रमाणांत फटको बसला. पणजे सयत हेर फांट्यांनी खातेंधारकांनी पयसे काडपा खातीर गर्दी केली. एनओसी रद्द जाल्ल्यान गोंयांतल्या खातें धारकां मदीं बोवाळ सुरू जाला. मजगतीं, एनओसी रद्द केले उपरांत सोसायटीचें संचालक मुख्यमंत्र्यांची भेट घेवन चर्चा करतले.
तिरुमालाची एनओसी रद्द केल्ल्यान राज्यांतल्या गुंतवणूकदारांचें फुडार कितें? असो प्रश्न पत्रकारांनी आयज मुख्यमंत्र्यांक केलो तेन्ना तांणी ठोस अशें भाश्य करुंक ना. तिरुमाला सोसायटीचें संचालक आयज बुधवारा म्हाका येवन मेळटलें. तांणी स्वता मेळपाक येता अशें सांगला, अशें मुख्यमंत्री डॉ. प्रमोद सावंत हांणी म्हणलें. हाका लागून ह्या वेळार बँकेची रद्द जाल्ली एनओसी आनी हेर विशयांचेर चर्चा अपेक्षित आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
