भांगरभूंय | प्रतिनिधी
नवी दिल्ली, खबरां संस्थाः देशांतल्या इंटरनॅट वापरप्यांचो आंकडो फाटल्या वर्सा 8 टक्क्यांनी वाडून 95.8 कोटी जालो. गांवगिऱ्या वाठारांनी इंटरनॅटाची उपलब्धता, शॉर्ट-व्हिडिओची लोकप्रियता आनी एआयचो वाडत वचपी वापर ही हाची मुखेल कारणा आसात. इंटरनॅट अँड मोबायल असोसिएशन ऑफ इंडिया (आयएएमएआय) आनी कॅन्टाच्या अहवाला प्रमाण शार वाठारांनी इंटरनॅट वापरांत वाड 3% जाल्या जाल्यार गांवगिऱ्या वाठारांनी हो आंकडो 12% इतलो जालो.
देशांतल्या 153.7 कोटी लोकसंख्येंतल्यान सुमार 55 कोटी गांवगिरे लोक इंटरनॅटाचो वापर करतात. 2019 ते 2025 ह्या काळांत गांवगिरे वापरपी 26.4 कोटींतल्यान 54.8 कोटी मेरेन वाडले. म्हणल्यार 100% वाड जाल्या.
० 61% वापरपी शॉर्ट-व्हिडिओ कंटेंट पळयतात. हातूंत गावगिऱ्यां वापरप्यांचो आंकडो शार वाठारांतल्या वापरप्यां परस चड आसा.
० 44% वापरपी व्हॉइस-इमेज सर्च सारकिल्या एआय-सक्षम वैशिश्ट्यांचो वापर करतात.
० शारांतले 56% वापरपी मुखेलपणान ऑनलायन खरेदी खातीर इंटरनॅट वापरतात.
० 20% इंटरनॅट वापरपी फोन-लॅपटॉप सारकिल्ल्या एका परस चड डिव्हायसाचेर इंटरनॅट वापरतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
