भांगरभूंय | प्रतिनिधी
नवी दिल्लीः दिल्लींतल्यान दर दिसा 63 जाण बेपत्ता जातात अशें एका सर्वेक्षणांतल्यान दिसून आयलां. हो प्रकार मानवी तस्करीचो आसून 2015 ते 2025 ह्या 11 वर्सांच्या काळांत दर दिसा 63 लोक बेपत्ता जाल्ल्याची धक्को दिवपी म्हायती मेळ्ळ्या. दिल्लींतल्यान वट्ट 2 लाख 55 हजार 432 लोक बेपत्ता जाल्लें. तातूंतल्या 2 लाख 1 हजार 455 जाणांक पुलिसांक सोदून काडले. पूण 53 हजार 977 लोक अजून बेपत्ता आसात. फाटल्या 11 वर्सांत नवजात भुरग्यां पसून ते 18 वर्सां पिराये मेरेनचे 5 हजार 559 जाण बेपत्ता जाल्यांत अशेंय ह्या आंकडेवारींतल्यान दिसून आयलें.
बेपत्ता जाल्ल्या 5500 भुरग्यां मदल्या 4,864 भुरग्यांक पुलिसांक सोदलें. मानवी तस्करी जाल्ल्या 6,759 भुरग्यांक पुलिसांनी सोदलें. तातूंत 3,281 चले आनी 2,134 चलयांचो आस्पाव आशिल्लो. दिल्लींत मानवी तस्करीची 2,407 प्रकरणां नोंद जाल्यात. हातूंत बिहार, उत्तर प्रदेश, झारखंड, अस्तंत बंगालांतल्यान हाडिल्ल्या भुरग्यांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
