भांगरभूंय | प्रतिनिधी
पणजी : घोगळ, हावसिंग बोर्ड, मडगांवां मशीद वाठारांत दोन दिसां फाटल्यान खून प्रकरण घडले उपरांत आतां पुलीस यंत्रणां शिटूक जाल्यांत. इंदिरा नगर, चिंबलच्या मशिदीचें वेवस्थापन समितीच्या वेंचणुके वेळार खर पुलीस बंदोबस्त दवरला.
हाऊसिंग बोर्ड हांगा मशिदी विशीं एका मुद्यावेल्यान जाल्ल्या वादांतल्यान वयलें खून प्रकरण घडिल्ल्याचें पुलीस तपासांत मुखार आयिल्लें. ह्या वादांतल्यान ताण निर्माण जावन एकल्याचो खून जाल्लो. ताचे उपरांत आतां पुलीस यंत्रणां शिटूक जाल्यांत. पुलिसांनी आतां इंदिरा नगर, चिंबला मशिदीच्या वेवस्थापन समितीचे वेंचणुके वेळार खर पुलीस बंदोबस्त दवरला. वरीश्ठ पुलीस अधिकारीय पुराय स्थितीचेर नदर दवरून आसात. उपाय तशेंच कायदो आनी सुवेवस्था सांबाळपा खातीर चिंबला पुलीस तैनात दवरल्यात अशी म्हायती पुलीस सुत्रांनी दिली.
मजगतीं, घोगळ, हाऊसिंग बोर्ड, मडगांवां खून प्रकरणांत पुलिसांनी चार जाणांक अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
