भांगरभूंय | प्रतिनिधी
पणजी: वाणिज्य आनी उद्देग, इलेक्ट्रॉनिक्स आनी म्हायती तंत्रज्ञान राज्यमंत्री जितीन प्रसाद हांणी आयज नवीन आधार ॲप राष्ट्राक समर्पीत केले, ज्या लोकांक वळख पटोवपा खातीर सोयीचें आनी सुलभ आसा.
युनिक आयडेंटिफिकेशन अथॉरिटी ऑफ इंडियान विकसीत केल्लें हें आधार ॲप फुडले पिळगेचें मोबायल ऍप्लिकेशन आसा जें आधार क्रमांक धारकांक तांची डिजिटल पद्दतीन वळख पटोवपाक एक सुरक्षीत, सोयीचो आनी गुप्ततायेक प्राधान्य दिवपी मार्ग आसा.
नवीन ॲपाचें अनावरण केल्या उपरांत प्रसाद हांणी UIDAI च्या ह्या तोखणायेच्या कार्या खातीर परबीं भेटयलीं आनी आधार हें सरकारा खातीर डिजिटल प्रशासनाची एक देख आशिल्ल्याचें सांगलें. UIDAI सेवा वितरण सुलभ करता आनी नवीन ॲप प्रक्रियेक आनीक गती मेळटली, अशें तांणी सांगलें.
देशांत डिजिटल वळख प्रणाली ही फकत तांत्रीक सुविधा न्हय जाल्यार ती भौशीक विश्वास, सुशासन आनी नागरिकांच्या सक्षमीकरणाची सुविधा आसा. नवीन आधार ॲप नागरिकांच्या हातात नियंत्रण, संमती आनी सुविधा दिवन ह्या तत्त्वांक मूर्त रूप दिता.
MeitYचे सचीव एस कृष्णन हांणी नवीन ॲप डेटा कमी करपाक आनी सुरक्षिततेत वाड करपाक आनी आधार क्रमांक धारकांवतीन म्हायतीची निवडक शेअरिंगाक प्रोत्साहन दितले.
वापरपाक सुलभ आशिल्लो हो आधार ॲप ऑफलायन व्हेरिफिकेशन सीकिंग एंटिटी (OVSE) QR कोड स्कॅनिंग पद्दतीन हॉटेल चेक-इन, चेहरो पडताळणी, सिनेमा तिकीट बुकिंग, पिराय पडताळणी, हॉस्पिटलांनी भेट दिवपी आनी परिचारिकांचो प्रवेश, गिग कामगार आनी सेवा भागीदारांची पडताळणी अशा अनेक वापराखातीर उपेगी आसा. पुराव्यां खातीर फेस व्हेरिफिकेशन, एका क्लिकांत बायोमेट्रिक लॉक/अनलॉक, ऑथेंटिकेशन हिस्ट्री आनी संपर्क तपशील सहज शेअर करपा खातीर QR-आदारीत कॉन्टॅक्ट कार्ड ह्या सारक्यो प्रगत सुविधा ॲपांत आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
