भांगरभूंय | प्रतिनिधी
पणजीः गोवा कोंकणी अकादेमीन आयोजीत केल्ल्या ‘संशोधनाच्यो नव्यो दिशा’ ह्या दोन दिसांच्या राष्ट्रीय परिसंवादाचें उक्तावण शिक्षण सचीव प्रसाद लोलयेंकार हांचे हस्तुकीं जालें. ह्या वेळार, पूर्णानंद च्यारी, प्रो. डॉ. प्रकाश पर्येंकार आनी हेर मानेस्त हाजीर आशिल्ले.
ह्या वेळार ‘संशोधन पद्दतीशास्त्र’ ह्या सत्रांत प्रो. प्रकाश वजरीकार, डॉ. निलेश फळदेसाय, डॉ. बी. देविदास पै, डॉ. सचीन मोरायश, सुशांत नायक हांणी वांटो घेतलो.
समाज/लाेकवेद ह्या सत्रांत डॉ. दत्तगुरू जोशी, प्रियांका परब, आकाश गांवकार, फा. रोमन रॉड्रिगीस हांणी वांटो घेतलो.
चळवळ/शिक्षण ह्या सत्रांत डॉ. किरण बुडकुले, फा. जॅसन पिंटो सुजाता कांबळी, अविता गांवस, सोनाली चोडणकार हांणी वांटो घेतलो. कार्यावळीक व्हड संख्येन लोक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
