भांगरभूंय | प्रतिनिधी
जीपीएससीन पदां भर मेरेन गोमेकॉंतलीं पदां कंत्राटाचेरूच
पणजी : तुयां हॉस्पिटलांत सल्लागार आनी नर्सी सयत ९७ पदां कंत्राटाचेर भरपाक मंत्रिमंडळान मान्यताय दिल्या. गोंय लोकसेवा आयोगा वरवीं (जीपीएससी) भरती जाय मेरेन गोंय वैजकी म्हाविद्यालय तशेंच भलायकी खात्यांतलीं पदां कंत्राटाचेर भरतले, अशें मुख्यमंत्री डॉ. प्रमोद सावंत हांणी सांगलें.
पर्वरी मंत्रालयांत बुधवारा मंत्रिमंडळाची बसका जाली. उपरांत पत्रकार परिशदेंत निर्णयांची म्हायती डॉ. सावंत हांणी दिली.
तुयें हॉस्पिटलाचें उक्तावण थारिल्ले प्रमाण २ फेब्रुवारीक जातलें. ५० नर्सीं सयत एमटीएस, हावजकिपिंग मेळून ९७ कर्मचार्यांची नेमणूक जातली. हॉस्पिटला खातीर आनीकूय कर्मचार्यांची नेमणूक जातली, अशें मुख्यमंत्र्यांनी सांगलें.
मंत्रिमंडळाचे म्हत्वाचे निर्णय :
अजित पवार हांकां आर्गां
महाराष्ट्राचे उपमुख्यमंत्री अजित पवार हांकां विमान अपघातात मरण आयलें. मुख्यमंत्री डॉ. प्रमोद सावंत हांणी आनी हाजीर आशिल्ल्या सगल्यांनी एक मिनीट शांत रावन तांकां आर्गां ओपलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
