भांगरभूंय | प्रतिनिधी
पणजी: प्रधानमंत्री नरेंद्र मोदी हांणी इंडिया एनर्जी वीक २०२६चे चवथे आवृत्तीचें व्हर्च्युअली उक्तावण केलें. प्रधानमंत्रीन आपल्या आभासी संदेशांत सांगलें, भारत ही उर्जा क्षेत्रा खातीरची भूंय, कारण हाची मागणी नेटान वाडत आसा.
भारत ही संवसारांतली सगळ्यांत नेटान वाडपी व्हड अर्थवेवस्था. हाचो अर्थ हांगा उर्जा उत्पादनांची मागणी सतत वाडत आसा. इतलेंच न्हय तर संवसाराची मागणी पुराय करपाक भारत उत्कृश्ट संदी दिता.
प्रधानमंत्र्यांनी भारत-युरोपीय संघ मुक्त वेपार करारा चेरूय भासाभास केली. भारत-ब्रिटन वेपार कराराक पूरक आसा. तातूंतल्यान उत्पादन क्षेत्रांत, आदार सेवांक चालना मेळटली. ताका ‘सगल्या डीलांची आवय’ अशें म्हणपाक लागल्यात. संवसारीक जीडीपींत सुमार २५% आनी संवसारीक वेपाराचो सुमार एक तृतीयांश वांटो ह्या कराराचो आसा. ही कबलात (मुक्त वेपार करार) भारतांतल्या १.४ अब्ज लोकांक आनी युरोपीय देशांतल्या लाखांनी लोकांक बरी संद हाडटा. तशेंच लोकशाय आनी कायद्याच्या राज्या विशीं आमची वचनबद्धताय घटमूट करता.
तांणी मुखार म्हणलें, इंडिया एनर्जी वीक २०२६ हें जागतीक उर्जा प्रदर्शन आनी परिशद. ३० जानेवारी मेरेन चलतलें. हातूंत ७५,००० वयर उर्जा वेवसायीक, ७०० वयर प्रदर्शक, ५५० वयर तज्ञ वक्ते आसतले. ३ दिसांनी १२० वयर सत्रां, १२ वयर आंतरराष्ट्रीय देश मंडप आनी ११ विशयात्मक विभाग आसतले. तातूंत तेल आनी वारो, नवीकरणीय उर्जा, हायड्रोजन, जैव इंधन, विद्युत्करण, डिजिटलीकरण, एआय आनी निव्वळ शुन्याचो मार्ग हांचो आसपाव आसतलो, अशें प्रधानमंत्र्यान मुखार म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
