भांगरभूंय | प्रतिनिधी
पणजी: दक्षीण गोंयांत ONGC त ल्या इंडिया एनर्जी वीक (आयईडब्ल्यू) २०२६ त १२० परस चड देशांतले ७५,००० परस चड वेवसायीक आनी प्रतिनिधी वाटेकार जाल्यात. हाका लागून हें संवसारीक ऊर्जा सुरक्षेच्या फुडाराक आकार दिवपी संवसारांतल्या सगल्यांत म्हत्वाचे माचये मदलें एक थारता, अशें मुख्यमंत्री डाॅ. प्रमोद सावंत हांणी जाहीर केलें
आज आयईडब्ल्यू २०२६ चे उक्तावण कार्यावळीक मुख्यमंत्री उलयताले. तांणी मुखार म्हणलें, राज्याच्या ग्रीन आनी ब्लू इकॉनॉमी दृश्टिकोना कडेन लागींच्यान सुसंगत आशिल्ल्या संवसारीक संवादाचें आयोजन करपाचो गोंयांक अभिमान आसा. ह्या म्हत्वाच्या संवादाचें यजमानपद भूषवण्याचा आनी इंडिया एनर्जी वीकचें कायमचें घर जावपाचो गोंयांक मान आसा. हो फकत अभिमानाचो खीण न्हय, जाल्यार एक जापसालदारीय आसा. प्रधानमंत्रयांच्या दूरदर्शी नेतृत्वाखाला भारत क्षमता, आत्मविश्वास आनी बांधिलकी हाचेर आधारिल्ल्या उपायांचो संवसारीक आवाज म्हणून मुखार आसा. भारत जापसालदारकी, नवोन्मेष आनी समावेशक विकासा सायत ऊर्जा संक्रमणाचें नेतृत्व करतले, अशेंय तांणी सांगलें.
विकसित भारत ह्या ध्येया खातीर विश्वासून, परवडपी आनी ऊर्जा प्रणाली गरजेची. शाश्वत उदरगत आनी फुडारा खातीर सज्ज ऊर्जा पायांभूत सुविधां वरवीं विकसीत गोवा उबारपाक सरकार बांदील आसा. २०५० मेरेन १०० टक्के नवीकरणीय ऊर्जे कडेन संक्रमण करपाचे नदरेन आमी नितळ ऊर्जा रोडमॅप मांडला अशें तांणी म्हणलें.
गोंयच्या दर्यादेगांचे जापसालदारकेचेर भर दितना डाॅ. सावंत हांणी नितळ ऊर्जा वाढ ही महासागर संसाधनांच्या जापसालदारी वापरा वांगडाच जावंक जाय. इंडिया एनर्जी वीक २०२६ क भागीदारीचो खीण अशे संबोधत मुख्यमंत्र्यांनी संवसारीक भागधारकांक शीमे भायर सहकार्य करपाचें आस्वासन दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
