भांगरभूंय | प्रतिनिधी
म्हापशें: हणजूणचे रॉकी गॅरेजी लागसार वेगान येवपी गाडयेन माडाक धपको दिलो. ह्या अपघातांत जस्टर रॉड्रिगज (२७, केपें) ह्या तरणाट्याक मरण आयलें.
हो अपघात आयतार २५ तारखेर मध्यानरातीं सुमार ३.१५ वरांचेर घडलो. मरण आयिल्लो तरणाटो जीए ०३ व्हाय ९६६३ ह्या नंबराचे किया शेल्टर हे गाडयेन हडफडच्यान हणजूनचे दिकेन वतालो.
गाडी गॅरेजी लागसार पावतांच जस्टर हाचें गाडयेवेलें नियंत्रण सुटलें आनी गाडयेचो धपको रस्त्या कुशीक आशिल्ल्याक माडाक बसलो. अपघातांत जस्टर गंभीर जखमी जालो. ताका रोखडोच उपचारा खातीर ऍम्बुलन्सींतल्यान म्हापशें जिल्लो हॉस्पिटलांत व्हेलो. थंय उपचार सुरू आसतना ताका मरण आयलें.
ह्या अपघाताची म्हायती मेळटांच हणजूण पुलीस घडणुके सुवातेर पावले. पुलीस हवालदार विशाल गांवस हांणी पंचनामो केलो. जाल्यार फुडलो तपास पुलीस उपनिरीक्षक लीशा खर्बे करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
