भांगरभूंय | प्रतिनिधी
वाळपयः विदेशांत नोकरी दिवपाचें हांयस दाखोवन एकल्याक 3.45 लाखांची तोपी घाली. ह्या प्रकरणांत वाळपय पुलिसांनी गुन्यांव दाखल केलो. विदेशांत नोकरी अशें सांगून पयशे घेतले पूण मागीर नोकरी दिव ना आनी पयशेय परत करुंक नात अशें कागाळीत म्हणलां.
शुक्रारा रातीं उसरां कागाळ दाखल केले उपरांत वाळपय पुलिसांनी हे संबंदी गुन्यांव नोंद करून चवकशी सुरू केल्या. विदेशांत नोकरी दिता अशें सांगून प्रक्रिया पुराय करपा खातीर आगाऊ पयशे मागले. नोकरी मेळटली हे आशेन दुबावितान सांगिल्ल्या वेगवेगळ्या बँक खात्यांत जायते फावट वट्ट सुमार 3.45 लाख रुपया जमा केलें. पूण पयशे जमा केले उपरांत ताका नोकरी मेळ्ळी ना आनी पयशेय परत मेळूंक नाशिल्ल्यान निमाणे ताणें वाळपय पुलिशेंत कागाळ नोंद केली. पुलिसांनी ह्या प्रकरणाचो तपास सुरू केला आनी बँक खात्याची तपासणी करून सविस्तर म्हायती एकठांय करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
