भांगरभूंय | प्रतिनिधी
अहमदाबाद: गुजरातांत, क्लास १ अधिकारी यशराज सिंह गोहिल (३५) हांच्या परवानाधारक रिव्हॉल्व्हरांतल्यान चुकून गुळी सुटून ती तांची बायल राजेश्वरी गोहिल (३०) हिका लागून मरण आयलें. बायलेच्या मरणाक लागून धक्को बशिल्ल्या यशराज हांणी स्वताचेरूय गुळी घालून आत्महत्त्या केली. यशराज हे ज्येश्ठ कॉंग्रेस फुडारी आनी राज्यसभा खासदार शक्ती सिंह गोहिल हांचे पुतणये.
यशराज आनी राजेश्वरी हांचें लग्न फकत दोन म्हयन्यां आदींच जाल्लें. तें अहमदाबादच्या एनआरआय टॉवरांत तांचे आवय वांगडा रावताले. पुलिसांचे म्हायती प्रमाण, बुधवारा रातीं एका समाजीक कार्यावळींतल्यान हें जोडपें परतल्लें आनी तें उमेदी दिसतालें. रातच्या सुमार ११:४५ वरांचेर यशराज हांचें रिव्हॉल्व्हर बेडरूमांत तपासतना तातूंतल्यान चुकून गोळी भायर सरून राजेश्वरीचे मानेक लागली. तेन्ना रोखडीच १०८ ऍम्बुलन्स आपयली. मात वैजकी कर्मचार्यांनी राजेश्वरीक मरण आयिल्ल्याचें सांगलें. उपरांत निरशेल्ल्या यशराज हांणी त्याच रिव्हॉल्व्हरान स्वताचेर गुळी घाली. यशराज हांची राजेश्वरी ही दुसरी बायल आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
