भांगरभूंय | प्रतिनिधी
पणजी : जब जब सीएम डरता है, पुलीस को आगे करता है, जिंदाबाद, जिंदाबाद, युथ कॉंग्रेस जिंदाबाद… अशे तरेच्यो घोशणा दिवन युवक कॉंग्रेसीन आयज बेरोजगारी आनी म्हारगाये आड पणजे मोर्चा काडलो. आल्तिनोच्या मुख्यमंंत्र्यांच्या बंंगल्याकडेन वचपा खातीर वचपाक भायर सरिल्लो मोर्चा पुलिसांंनी पणजे आडायलो. स्थितीचेर नियंंत्रण दवरपा खातीर पुलिसांंनी कांय कार्यकर्त्यांंक ताब्यांत घेतले. कॉंग्रेस विधीमंंडळ फुडारी युरी आलेमाव, पक्षाच्या सहप्रभारी अंंजली निंंबाळकार, आल्तिन गोम्स, युवा कॉंग्रेस अध्यक्ष अर्चित नायक आनी हेर कार्यकर्ते मोर्चांत वाटेकार जाले. पणजेच्या मिनेझीस ब्रागांंझा सभाघरा लागसार मोर्चाक सुरवात जाले उपरांत कांय अंंतराचेरूच पुलिसांंनी मोर्चा आडायलो. ह्या वेळार व्हडा संख्येन पुलीस फौज हाजीर आशिल्ली.
डॉ. प्रमोद सावंंत हांंच्या नेतृत्वाखाला सरकार हुकुमशाय मार्गान काम केल्ल्यान सगले कडेन दादागिरी सुरू आसा. बेरोजगारी वाडिल्ल्यान ताचो निशेध करपा खातीर मोर्चा काडलो. शांंतिकायेन केल्लो हो मोर्चा पुलिसांनी दादागिरीच्या मार्गान आडायलो. लोकशायेंत शातपणान निशेध करपाचो अधिकार दरेकल्याक आसा. हो अधिकारूय गोंयांत ना, अशें युरी आलेमाव हांणी म्हणलें.
गोंयांत आयज बायलां सुरक्षीत ना. बेरोजगारी वाडत आसा. बायलां सुरक्षीत नात हाची मोर्चा आडावपी बायलां पुलिसांक लज दिसपाक जाय, अशें अंंजली निंंबाळकार हांणी म्हणलें.
युवक कॉंग्रेसच्या अधिकारग्रहण सुवाळ्या उपरांत दनपरां बेरोजगारीचो निशेध करपा खातीर मोर्चा काडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
