भांगरभूंय | प्रतिनिधी
तुयें हॉस्पिटल कृती समिती
पणजी : पेडणेचें तुयां हॉस्पिटल गोमेकॉ कडेन संलग्न करून कार्यान्वीत करपाचें आस्वासन सरकारान २५ जानेवारी मेरेन दिवचें; अशी मागणी तुयें हॉस्पिटल कृती समितीन केली. ना जाल्यार २८ जानेवारी सावन आमरण उपोशण करपाची शिटकावणी समितीन दिल्या.
तुयें हॉस्पिटल गोमकॉ कडेन संलग्न करूनच तें कार्यान्वीत करचें. ३० जानेवारीक फकत सामुदायीक भलायकी केंद्र ह्या हॉटेलांत स्थलांतरीत करून जनतेची दिकाभूल करची न्हय, अशी मागणी तुयें हॉस्पिटल कृती समितीन केली.
समितीन ह्यान पयलीं वयले मागणे खातीर साखळी उपोशण केल्लें. तशेंच वाठारांत मोर्चा काडून जागृती केल्ली. आतां मागणी पुराय जायना जाल्यार २८ जानेवारी सावन आमरण उपोशण करपाची शिटकावणी तुयें हॉस्पिटल कृती समितीन दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
