भांगरभूंय | प्रतिनिधी
म्हापशें : फोंडकवाडो, पर्रा घराक उजो लागिल्ल्याची घडणूक बुधवारा सकाळीं घडली. ह्या उज्यांत सुमार 5 लाख रुपयांचें लुकसाण जालां. विन्स्टन फर्नांडीस हांचें हें घर. म्हापशें उजो पालोवपी दळान येवन हो उजो पालयलो.
हे विशीं चड म्हायती प्रमाण, फर्नांडीस हांच्या घरांत खुबशें सामान एके कडेन सांठोवन दवरिल्लें. हाका लागून उजो वेगान पातळ्ळो. तशेंच उजो पालोवपाकूय आडखळ निर्माण जाली. उजो लागिल्ल्याची म्हायती मेळटांच उजो पालोवपी दळान रोखडेच घडणुके सुवातेर येवन उजो पालयलो. हो उजो नेमको कसो लागलो हाचो सोद उजो पालोवपी दळाचे जवान घेतात.
मजगतीं, गोंयांत सध्या उज्याच्यो घडणुको वाडतूच आसात. फाटल्या कांय दिसांनी खुबश्यो उज्याच्यो घडणुको घडल्यो. हाका लागून लोकांनी जतना घेवची असो उलो उजो पालोवपी दळान मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
