भांगरभूंय | प्रतिनिधी
भांगरभूंय । प्रतिनिधी
पणजीः गोंयांत फाटल्या तीन वर्सांत सुमार 1.74 लाख टन परस चड भाजी महाराष्ट्र आनी कर्नाटक सावन आयल्या. पूण एका वर्साच्या काळा भितर भायल्या राज्यांतल्यांन येवपी भाजयेत 2 हजार टन उणाव नोंद जाला. तातूंतल्या 47 टक्के भाजयेची पुरवण ही फकत गोंय फलोत्पादन महामंडळाक जाता, अशी म्हायती शेतकी खात्यान दिल्या.
खात्यान जारी केल्ले आंकडेवारी प्रमाण, 2023-24त 88,456 इतली भाजी गोंया पाविल्ली आनी वर्स 2024-25त हातूंत उणाव जावन 85,577 टन मेरेन भाजयेची आयात जाली.
गोंय शेतकी उत्पादन आनी पशुधन मार्केटींग कायदो 2007 खाला अधिसुचीत जाल्ल्यो भाजयो जशें कांदो, बटाट, हरवी मिरसांग, सुखी मिरसांग, वायंगीग आनी कणगी हांची फाटल्या दोन वर्सांत 54,044 लाख इतली आयात शेजारचे राज्य महाराष्ट्र आनी कर्नाटक राज्यांतल्यांन जाल्या.
कांद्याची वर्स 2023-24त 14,369 टन आनी वर्स 2024-2025त 13471 टन आयात जाल्ली, बटाट्याची वर्स 2023 2024त 10635.06 टन आनी वर्स 2024-2025त 12179.089 टन, हरवी मिरसांगेची वर्स 2023 2024त 507 टन आनी वर्स 2024-2025त 661 टन, सुखी मिरसांगेची वर्स 2023 2024त 943 टन आनी वर्स 2024-2025त 1153 टन, वांयग्याची वर्स 2023 2024त 51 टन आनी वर्स 2024-2025त 60 टन आनी कणगांची वर्स 2023-24त 4 टन आनी वर्स 2024-2025त 11 टन आयात जाल्या.
जाल्यार फलोत्पादन महामंडळाक 2023-2024त 61947 टन, 2024-2025त 58042 टन आनी 1 एप्रिल ते 22 डिसेंबर 2025 मेरेन 16187 टन इतले भाजयेची आयात जाल्या. हातूंत भेंडे, कोबी, गाजर, फ्लॉवर, वालपापडी, चिटकी, मिरसांग, कांदो, बटाट, टमाट, मुठल्यो, बीट, कोकणो दुधी, वायंगी, कारली, ढब्बू मिरसांग, तवशी, करपील, म्हसकासांग, लसूण, घेवडो, आले, कोंथमीर, मेथी, मटार, हिरवी मिरसांग, नाभ, लिंबू, वाल, बाटकाय मिरसांग, पालक, पुदीना, मुळो, तांबडी भाजी, दुदी, घोसाळी, शेपू, कांद्याची पात, सुरण, मको, कणगी आनी तेंडली ह्या भाजयांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
