भांगरभूंय | प्रतिनिधी
पणजी : करमलघांट, काणकोणां दोन मोटारीं मदीं अपघात जालो. हातूंत तिग जाण जखमी जाल्यात. हातूंत दोग विदेशी नागरिक आनी एक ड्रायव्हर हांचो आस्पाव आसा. जखमींक उपचारा खातीर बाळ्ळींतल्या सरकारी प्राथमिक भलायकी केंद्रात व्हेल्यात.
अपघाता उपरांत कांय वेळ येरादारीची कोंयडी जाल्ली. काणकोण पुलिसांनी क्रेन हाडून गाडयो कुशीक काडल्यो आनी येरादारी खातीर रस्तो मेकळो केलो. फुडलो तपास पुलीस करतात.
करमलघांटार कांय सुवातींनी रस्तो अशीर
मडगांव-काणकोण राश्ट्रीय म्हामार्ग करमलघांट आनी हेर कांय सुवातींनी खूब अशीर आशिल्ल्यान अपघात जातात. ह्या रस्त्याचेर वाहनांची येरादारी व्हडा प्रमाणांत जाता. ताचे तुळेंत कांय सुवातींनी हो रस्तो खूब अशीर आसा. हाका लागून ह्या वाठारांत अपघात वाडटात अशें नेमान प्रवास करपी कांय जाणांनी सांगलें.
मजगतीं, मडगांव-काणकोण राष्ट्रीय म्हामार्गाचें अपूर्ण काम पुराय जातकच हांगाची येरादारीची समस्या सुटावी जातली अशी म्हायती भौशीक बांदकाम खात्यांतल्या सूत्रांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
