भांगरभूंय | प्रतिनिधी
शिवोलीः कामुर्लेच्या भरवणवाड्याचेर चालू आशिल्ले दोंगर कापणेक थळाव्या लोकानी खप विरोध केलो. बुधवारा सकाळीं थळाव्या लोकानी चालू आशिल्लें दोंगर कापणीचें काम बंद उडयलें.
ह्या वाठारांत खूबशीं झाडां मारून बांदकाम चल्लां. हें बांदकाम बेकायदो आशिल्ल्याचो दावो थळाव्या लोकानी केला. ह्या बांदकामा आड बुधवारा थळावे लोक एकठांय आयले. ह्या वाठारांत कसलेच तरेचें बेकायदो बांदकाम करपाक दिवचे नात, अशी शिटकावणी तांणी दिली. तशेंच घोळट्या पंगडाक थंय आपयलो. मामलेदारान हे सुवातेची पळोवणी केली. ह्या वाठारांत कसलेंच बेकायदो बांदकाम करपाक विरोध आसतलो, अशें आदले सरपंच शरद गाड हांणी स्पश्ट केलां. कांय पंच वांगडी बेकायदो बांदकामांक उर्बा दितात, असोय आरोप तांणी ह्या वेळार पत्रकारां कडेन उलयतना केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
