भांगरभूंय | प्रतिनिधी
पृथ्वीचेर अश्यो कितल्योश्योच रहस्यमयी घडणुको आसात, जाचो गूट अजून मेरन शास्त्रज्ञांक उक्तो जावंक ना. ह्या घडणुकां कडेन संबंदीत कितल्योश्योच गजाली आनी काणयो लोकां मदीं अजून चलतात. विज्ञान जरी हे गूट उक्ते करपाक शकले नात, तरी लेगीत तांची चर्चा सदांच आयकुपाक मेळटा. ह्या सुवातांचेर खूब खेपे आगळ्यो वेगळ्यो घडणुको घडटात, ज्यो देश- विदेशांत चर्चेचो विशय जातात. तुमीय अश्या सुवातां विशीं केन्ना केन्ना आयकलां आसतलें. देखीक-
बर्मुडा ट्रँगल. बर्मुडा ट्रँगल फाटल्या 100 वर्सां सावन एक गूट थारला. कितलेशेच सोद आनी संसोधना उपरांत लेगीत शास्त्रज्ञ हाचे फाटलो गूट उक्तो करपाक शकले नात. फाटल्या कितल्याश्याच काळा सावन कोणाक खबर कितलीं विमानां, एरक्राफ्ट आनी बोटी ताचे भितर सहस्यमय तरेन गायब जाल्यात. ही सुवात उत्तर अटलांटीक म्हासागरांत ब्रिटेनाचो प्रवासी वाठार आसा. ही सुवात संयुक्त राष्ट्र अमेरिकेचे उदेंतक मियामी (फ्लोरिडा) सावन फकत 1770 किलोमिटर आनी हॅलिफॅक्स, नोवा स्कोटिया (कनाडा) चे दक्षीणेंत 1350 किलोमिटर (840) अंतराचेर आसा.
डेजा वू. आमी सगळे डेजा वूचो आमचे जिणेंत कितलेशेच खेपे अणभव घेतला. डेजा वू चो संदर्भ त्या अणभवा कडेन आसा, जंय पावले उपरांत आमकां अशें दिसता, हे हाचे आदींय आपले वांगडा घडलां. चड करून नवी सुवात, व्यक्ती, चित्रपट अश्यो गजाली पळयले उपरांत केन्ना केन्ना अशें दिसता, आमी हें पयलीं पळयलां वा ताची जाणीव जाल्या. शास्त्रज्ञांनी डेजा वू संबंदांत कितल्योश थियरी दिल्यात. अशें आसलें तरीय हें गूट अजून मेरेन उक्तें जावंक ना. जाल्यार कितल्योश्योच अध्यात्मीक गजाली सांगतात, डेजा वू आमच्या आदल्या जल्माचे उगडास आसतात, जे स्वताची परतून पुनरावृत्ती करता.
सोरपांचो पावस. नुस्त्यांचो, सोरपांचो, कोळ्यांचो आनी गायंडोळांचो पावस पडला, अशें केन्ना आयकलां वा वाचला? असो पावस केंटुकींत 1876 त पडिल्लो. ह्या रहस्यमयी पावसाचो गूट आयज मेरेन उक्तो जावंक ना.
यूएफओ. एलियनाचें जिवीत पृथ्वी वयल्या लोकां खातीर सदांच उमळशिकेचो विशय जाला. कितल्याश्याच लोकांनी एलियनांची उडटी तबकडी (यूएफओ) पळयिल्ल्याचो दावो केला. अमेरिकी सरकारा कडेन अश्या कितल्याश्याच यूएफओचे व्हीडीओ उपलब्ध आसात, अशें कांय वर्सां आदीं अमेरिकेचे तेन्नाचे राष्ट्राध्यक्ष बराक ओबामा हांणी मानून घेतिल्लें. तांचो लेगीत गूट अजून मेरेन उक्तो जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
