भांगरभूंय | प्रतिनिधी
पेडणें: मोरजी आनी हरमल ह्या दोन सुवातांचेर रशियन नागरिकांनी दोन रशियन बायलांचो केल्लो खून पयशांचे आशेन आनी मोगाच्या संबंदाक लागून केल्ल्याचें उक्तें जालें. तांणी आनीक खून केल्यात काय ना? हाचो तपास मांद्रें पुलीस करतात.
सध्या मांद्रें पुलिसांची ह्या प्रकरणाक लागून न्हीद पेड्ड्यार जाल्या. तशेंच पेडण्यांय ह्या खुनां विशीं विवीध चर्चा जातना दिसतात. तशेंच ह्या खुनांचो परिणाम पर्यटनाचेरूय जातना दिसून आयलें. जंय रशियन पर्यटक रावतात, त्या घर धनयांचीय पुलीस चवकशी करतात. पुलीस आपले नदरेन तपास करतात. दुबावीत रशियन नागरिकान आनीक खून केल्यात काय? हाचो सोद शांतपणान पुलीस घेतात. तो मानसिक नदरेन सारको आसा काय ना, ताचोय तपास पुलीस करतात. चलयांक आपणें मोक्ष दिला अशें तो सांगता.
हरमल बामणभाटी वाठारांत बिराडाक रावपी आलेक्सेई लिनोवा ह्या पर्यटकान एलिना हे सदतीस वर्सां पिरायेचे बायलेचो गळो चिरून खून केल्लो. हे विशींची कागाळ घर धनी उत्तम नायक हांणी मांद्रें पुलीस स्टेशनार केली. त्याच दिसा मोरजी, मदलो वाडो हांगा एलिना वानीवा (३७) हिची कूड गळो चिरून, तशेंच कपड्यां बगर बाथरुमांत सांपडिल्ली. उपरांत पुलिसांनी दुबाविताक रोखडीच अटक केली.
दुबावीत आलेक्सेई लिओनोवं हांकां मांन्द्रे पुलिसांनी ताब्यांत घेतले उपरांत जबानी दितना तो अदीं मदीं जबानी बदलिल्ल्यान तांणी आतां मेरेन कितले खून केल्यात? हाचो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
