भांगरभूंय | प्रतिनिधी
वाळपय : ब्रह्मकरमळी सत्तरीच्या गुणवंती हरवळकार हांच्या घराक शेनवारा रातीं उसरां उजो लागून व्हडा प्रमाणांत लुकसाण जालें. हे घडणुकेंत कोणाक कांय जावंक ना. मात घरांतले सामान लासून गेलें. उजो लागिल्ल्यान ह्या कुटुंबाक सुमार दोन लाखांचो फटको बसला. हे विशीं म्हायती मेळटांच वाळपय उजो पालोवपी दळाच्या जवानांनी घडणुके सुवातेर येवन व्हडा प्रमाणांत मालमत्ता वाटावपाचो यत्न केलो आनी हातूंत तांकां येस आयलें.
हे विशीं चड म्हायती प्रमाण, ब्रह्मकरमळी, सत्तरीचे गुनावंती हरवळकार हिच्या घराक अचकीत उजो लागलो. हो उजो पालोवपाचो यत्न कुटुंबान आनी थळाव्या नागरिकांनी केलो. मात तो येसस्वी जावंक ना.निमाणें वाळपय उजो पालोवपी दळाक संपर्क केले उपरांत ते रोखडेच घडणुके सुवातेर पावले. तांणी येवन उजो पालयलो. घराचें पाखें आनी हेर बरेंच सामान लासलें. हाका लागून ह्या कुटूंबाक बरेंच लुकसाण जालां.
घर धनी गुणवंती हरवळकार हांणी, अचकीत घराक उजो लागलो. हाका लागून घरांतल्या सामानाचें व्हडा प्रमाणांत लुकसाण जालां अशें सांगलें.
उजो लागिल्ल्याचें ारण आजूनय स्पश्ट जावंक ना. तरी शॉर्टसर्किटाक लागून हो उजो लागिल्ल्याचें न्हयकारू येना. उजो पालोवपी दळान व्हडा प्रमाणांत मालमत्ता वाटावपाचो यत्न केला. हे विशींचो पंचनामो करून तो संबंदीत खात्यांत धाडटले, अशें उजो पालोवपी दळाच्या अधिकार्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
