भांगरभूंय | प्रतिनिधी
वॉशिंग्टन: अमेरिकेचे अध्यक्ष डोनाल्ड ट्रम्प हांणी ग्रीनलँडाचेर अमेरिकेच्या ताब्याक विरोध करपी 8 युरोपीय देशांचेर 10% शुल्क लावपाची घोशणा केल्या. हो दर 1 फेब्रुवारी सावन लागू जातलो.
डेन्मार्क, नॉर्वे, स्वीडन, फ्रांस, जर्मनी, युनायटेड किंगडम, नेदर्लंड्स आनी फिनलँड ह्या देशांक हो दर लागू जातलो अशें ट्रम्प हांणी शेनवारा सोशल मिडियाचेर केल्ल्या पोस्टांत सांगलां.
जर ग्रीनलँडा संबंदी अमेरिके कडेन कसलोच करार जालो ना जाल्यार, हो दर 1 जून सावन 25 टक्क्यांनी वाडयतले अशी शिटकावणी तांणी दिल्या.
हाचे आदीं शुक्रारा व्हायट हावजांत जाल्ले बसकेंत ट्रम्प हांणी ह्या देशांचेर शुल्क लादपाची शिटकावणी दिली.
ट्रम्प हाणी ग्रीनलँड विकतो घेवपाचो प्रस्ताव मांडलो
ट्रम्प हांणी ह्या पोस्टांत ‘ग्रीनलँडाची पुराय खरेदी’ करपा खातीर केल्ल्या कराराचेर चर्चा केल्या आनी थारायिल्ल्या वेळा मेरेन कबलात जावंक ना जाल्यार दर वाडटलें अशें स्पश्ट केलां.
खंयच्या उत्पादनांचेर हो आयात दर लागू जातलो हें अजून कळूंक ना. ह्या दराचेर युरोपीय देशांची अधिकृत प्रतिक्रिया ह्या वेळार जावंक ना.
ट्रम्प हांणी सांगलें- गोल्डन डोम प्रकल्पा खातीर ग्रीनलँड म्हत्वाचो
हाचे आदीं शुक्रारा ट्रम्प हांणी गोल्डन डोम नांवाच्या व्हडल्या संरक्षण प्रकल्पा खातीर ग्रीनलँडाकय म्हत्वाचो अशें म्हणलें. गोल्डन डोम हो अमेरिकेचो क्षेपणास्त्र संरक्षण प्रकल्प.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
