भांगरभूंय | प्रतिनिधी
पणजी : केपेंच्या सरकारी कला, विज्ञान आनी वाणिज्य महाविद्यालयाच्या एम. ए. कोंकणी विभागाच्या अभ्यास मंडळा वतीन दरवर्सा सर्गेस्त रमेश वेळुस्कार यादिस्तीक आंतर महाविद्यालयीन कोंकणी कविता सादरीकरण सर्त आयोजीत जाता. अंदू ही सर्त 24 जानेवारी ह्या दिसा सकाळीं 9:30 वरांचेर महाविद्यालयाच्या एम. ए. कोंकणी भाग – 1 वर्गांत जातली. हे सर्तींतल्यान कोंकणी कवितेच्या मळार नवे कवी तयार जावचे हो हेतू आसा.
सर्त फकत महाविद्यालयीन विद्यार्थ्यां खातीर आसतली. दरेका महाविद्यालयांतल्यान दोन सर्तक वांटो घेवंक शकतात. सर्तींत वांटो घेवपी सर्तकांनी गुगल फॉर्माचेर नोंदणी करप सक्तीचें. गुगल फॉर्म लिंक https://forms.gle/LMhEGzgFAh2gg4dL6
प्रवेशिका धाडपाची निमाणी तारीख – 22 जानेवारी. सर्तींत भाग घेवपी विद्यार्थ्यांची कविता स्वरचीत आसूंक जाय. कविता सादर करपाक चडांत चड 7 मिनटांचो वेळ मेळटलो. महाविद्यालयीन विद्यार्थ्यांनी हे सर्तींत व्हडा प्रमाणांत वांटेकार जावचें असो सरकारी महाविद्यालय केपें, एम.ए. कोंकणी विभाग आनी कोंकणी अभ्यास मंडळान उलो मारला.
हे सर्ती विशीं अदीक म्हायती खातीर ओमकार गांवकर – 9325876410 साईशा शिरोडकर – 9307250175 आनी दिया सावंत – 7066365585 हांकां संपर्क करचो, अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
