भांगरभूंय | प्रतिनिधी
वॉशिंगटन: अमेरिकेन 75 देशां खातीर 21 जानेवारी सावन व्हिसा जारी करपाची पुराय प्रक्रिया बंद उडोवपाचो निर्णय घेतला. हातूंत पाकिस्तान आनी बांगलादेशा सयत भारताचे 6 शेजारी देश आसात.
थंयच्या दिसाळ्यांतले खबरी प्रमाण, हो निर्णय अमेरिकेच्या परराष्ट्र मंत्रालयाच्या एका मेमोच्या आधारार घेतला. ह्या निर्णयाचो हेतू अमेरिकेंत येवपी परदेशी नागरिकांचो आंकडो उणो करप आसा.
अमेरिकेच्या परराष्ट्र मंत्रालयान सांगलें, आतां ते आपल्या त्या कायदेशीर अधिकाराचो वापर करतले, जाचे खाला अशा लोकांक व्हिसा दिवपा पसून आडावपाक शकतात, जांचे विशीं अशी शक्यताय आसा, ते अमेरिकेंत येवन सरकारी मजत वा कल्याणकारी येवजण्यांचेर निंबून रावपाक शकतात.
अमेरिकेच्या दुतावसांक आनी वाणिज्य दुतावासांतल्या अधिकार्यांक निर्देश दिल्यात, तांणी व्हिसा अर्ज तो मेरेन न्हयकारचे, जो मेरेन तपासणी आनी पडताळणी प्रक्रियेचें परत पुनरावलोकन जायना. ही बंदी कितलो काळ लागू उरतली, हे विशीं कसलीच म्हायती दिवंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
