भांगरभूंय | प्रतिनिधी
पणजी : गोंय विधानसभा अधिवेशनाचो आयज दुसरो दीस. आयज सरकारा वतीन ‘वंदे मातरम्’ गीताचेर चर्चा जाली ह्या वेळार विरोधी पक्ष फुडारी युरी आलेमाव हांणी सांगलें, सरकार गोंय विधानसभेंत ‘वंदे मातरम्’चेर चर्चा करता. पूण गोंयाक भेकडावपी म्हादय आनी हेर प्रस्नांचेर कित्याक चर्चा करिना? असो प्रस्न उक्तायलो.
‘वंदे मातरम्’ ह्या गीताक १५० वर्सां पुराय जाल्ल्यान ही चर्चा आयोजीत केल्ली.
युरी आलेमाव हांणी मुखार म्हणलें, ‘वंदे मातरम्’ गीताचो हांवूय आदर करतां. जायते म्हत्वाचे प्रस्न आसून लेगीत सरकार ‘वंदे मातरम्’ गीताक १५० वर्सां जाल्ल्यान विधानसभेंत चर्चा करता. बर्च उजो प्रकरण, ‘कॅश फॉर जॉब स्कॅम’, राज्यांतलो भ्रश्टाचार, जमनीचें रुपांतरण, दळमळीत पर्यटन अअशे जायते प्रस्न आसात. ‘वंदे मातरम्’ म्हळ्यार हांव म्हजे आवय मुखार नतमस्तक जातां. मुख्यमंत्री म्हणटात, म्हादय आपली आवय. मात फाटल्या कितल्याशाच वर्सां सावन म्हादय कडेन आडनदर जाता. म्हादय प्रस्नाचेर चर्चा घेवपाक ते कित्याक अपेशी थारता?, असो प्रस्न युरी आलेमाव हांणी मांडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
