भांगरभूंय | प्रतिनिधी
पणजी : येत्या 16 जानेवारीक जावपी अस्मिताय दिसा निमतान जनमत कौलाचेर आदारीत कोंकणी, इंग्लीश पुस्तकां शाळांनी वांटपाचो निर्णय सरकारान घेतला. ते निमतान स्थापन केल्ले राज्य पांवड्या वयले समितीन, ‘खबर ओपिनियन पोलाची’- कोंकणी- अशोक कामत (130 प्रती), ‘द स्टोरी आॅफ ओपिनियन पोल्स’ – इंग्लीश- अशोक कामत (250), ‘ओपिनियन पोल (पयलें खंड)’ – कोंकणी- श्याम वेरेंकार (120) आनी ‘कोंकणी चळवळीचीं तीन पर्वां’ – कोंकणी – डाॅ. हनुमंत चोपडेंकार (250) हीं चार पुस्तकां वितरणा खातीर वेंचून काडल्यांत.
हीं पुस्तकां पयलीं येवप्याक पयलीं ह्या तत्वाचेर शाळा आनी हायर सेकंडरींत वांट्टले. राजभाशा संचालक मेघनाथ पी. पोरोब हांणी शिक्षण खात्याक तशें कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
