भांगरभूंय | प्रतिनिधी
मुख्यमंत्र्याचो तरणाट्यांक उलो
भांगरभूंय । प्रतिनिधी
दिवचल : तरणाट्यांनी शिक्षण, नाविन्य आनी चारित्र्य निर्माणाचेर लक्ष केंद्रीत करचें. तांणी स्वामी विवेकानंदाच्या आदर्शांचे अनुसरण करून तांचो उर्जा आनी प्रतिभेचो सकारात्मक दिशेन उपेग करचो. जापसालदार नागरीक, समाजसेवा, उद्देजकता आनी उदरगतीच्या उपक्रमांनी वांटो घेवचो, असो मुख्यमंत्री डॉ. प्रमोद सावंत हांणी उलो मारला.
स्वामी विवेकानंद जयंती निमतान युवा दिसा निमतान मुख्यमंत्र्यान तरणाट्यांक शुभेत्सा दिल्या.
तरणाटे हे देशाचो कणो आसात. तांच्या हातांत देशाचो फुडार आसा. आयच्या स्पर्धात्मक संवसारांत शिक्षणाचें म्हत्व खुबूच व्हड आसा, कारण तें तरणाट्यांक ज्ञान, कुशळटाय, शिस्त आनी मुल्यां दिता. हाकाच लागून ते समाजांत येसस्वी जावपाक शकता आनी अर्थपूर्ण योगदान दिवपाक शकतात, अशें मुख्यमंत्र्यान म्हणलां.
तरणाटांच्या सक्षमीकरणा खातीर सरकार बांदील आसा, हें मुख्यमंत्र्यान परतीन एकदां सांगलें. तांणी सांगलें, सरकार शिक्षण, कुशळटाय उदरगत आनी रोजगाराच्या संदींक प्राघान्य दिता, जे वरवीं तरणाटे तांचे पुराय तांकी मेरेन पावपाक शकतले. सरकार पारदर्शक भरती प्रक्रिये वरवीं तरणाट्यांक शासन आनी प्रशासनांत हाडपाचो यत्न करता, अशें तांणी म्हणलां. तरणाट्यांक बदलाचें प्रतीक जावपाचें आनी एक घटमूट, प्रगत आनी स्वावलंही राष्ट्र उबारणी खातीर एकवटान काम करपाचो मुख्यमंत्र्यान उलो मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
