भांगरभूंय | प्रतिनिधी
वाल्मिकी नायक : प्रदेशाध्यक्षपदाचेर नेमणूक
भांगरभूंय । प्रतिनिधी
पणजी : आम आदमी पक्ष आघाडीच्या विरोधांत ना. लोकसभा वेंचणुकेंत इंडिया एलायन्स जावपा खातीर अरविंद केजरीवाल हांणी यत्न केल्लें. आघाडी कोणा कडेन करची, हो प्रस्न आसा, अशें आपाचे नवे प्रदेश अध्यक्ष वाल्मिकी नायक हांणी सांगलें.
अॅड. अमीत पालेकार हांकां अध्यक्षपदा वयल्यान काडले उपरांत तांणी पक्षाक आदेवश केलो. हाचे उपरांत आतां प्रदेश अध्यक्ष म्हूण वाल्मिकी नायक हांची नेमणूक केल्या. आपान कार्यकारी अध्यक्ष म्हूण जर्सन गोम्स, संघटन सचीव म्हूण प्रशांत नायक जाल्यार ज्येश्ठ उपाध्यक्ष म्हणून संदेश तळेकार देसाय हांच नेमणूक केल्या. सगल्यांच्या नेमणुकीचो आदेश आयतारा जारी जालो.
हांव पक्ष स्थापन जालो तेन्ना सावन पक्षांत आसा. म्हजेर लेगीत अन्याय जालो, तरी हांवें पक्ष सोडूंक ना. भाजप आनी काँग्रेसीक पर्याय फक्त आम आदमी पक्षूच दिवपाक शकता. आम आदमी पक्ष आंदोलनांतल्यान स्थापन जाला. गोंयांत पक्षाचो वावर वाडत आसा. पक्ष घटमूट करपा खातीर हांव यत्न करतलो. मात्सो अन्याय जालो म्हूण कोणे पक्ष सोडून वच्चें न्हय. पक्षांत रावून अन्याय पयस करप शक्य आसा, अशें वाल्मिकी नायक हांणी सांगलें. तशेंच आम आदमी पक्षाक हेर पक्षा कडेन आघाडी जाय. मात ही आघाडी खंयच्या पक्षा कडेन करपाची, हाचो विचार करपाक जाय, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
