भांगरभूंय | प्रतिनिधी
काॅर्पोरेट वेव्हार मंत्रालयाची म्हायती
भांगरभूंय । प्रतिनिधी
पणजीः गोंयांत कंपनीं आड 200 परस चड प्रकरणा न्यायालयांत प्रलंबित आसात आनी तातुंतली फक्त 2 प्रकरणां निकालांत काडल्यांत. जाल्यार कंपनी निबंधका कडेन 50 प्रकरणां प्रलंबित आसात. तातुंतलीं 14 टक्के प्रकरणां निकालांत काडल्यांत, अशीं म्हायती काॅर्पोरेट वेव्हार मंत्रालयान दिल्या.
मंत्रालयान जारी केल्ल्या एका अवहलात सांगला, भाग प्रमाणपत्र ना दिवप, भाग वा डिव्हीडंट ट्रान्सफर करप, बोनस ना दिवप, डिव्हीडंट ना दिवप, ज्यूर ना दिवप, कळाव जाल्ल्या पयश्यांचेर ज्यूर लावप आनी फिक्स डिपोजीटांतले पयशे परत ना दिवप, वर्सुकी अहवाल सादर करप ना ह्या सारकिल्ल्या प्रकरणांचो हातुंत आस्पाव आसा.
ह्या सारकिल्लीं 80 प्रकरणां 31 मार्च 2025 मेरेन कंपनी निंबधका कडेन प्रलंबित आसात आनी तातुंतलीं 11 प्रकरणां निकालांत काडल्यात. जाल्यार फाटल्या वर्सा 2024-25त 4 नव्या प्रकरणांची नोंद जाल्या.
जाल्यार 31 मार्च 2025 मेरेन पणजी जिल्लो न्यायालय आनी अतिरिक्त सत्र न्यायालयांत 110 कंपनी आड 286 प्रकरणा प्रलंबित आसात आनी तातुंतली फक्त 2 प्रकरणां निकालांत काडल्यात. फाटल्या वर्सा 2024-25त 6 कंपनी आड 25 प्रकरणां नोंद जाल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
