भांगरभूंय | प्रतिनिधी
नव्या राजकी पक्षांनी आपले मतदार वाडोवपाची जापसालदारकी घेवची. “घरांतल्या प्रस्नांक” संबोधीत करपाचेर तांणी लक्ष केंद्रीत करचें. चड करून सरकारां औपचारीक कागाळी निवारणाक जापसालदार आसतात, पूण राजकी पक्षांनी नागरिक आनी राज्य हांचे मदीं थेट दुवो म्हूण वावुरचें, जाका लागून थळाव्या प्रस्नांचेर उपाय काडप हें मतदारां कडेन आशिल्ल्या तांच्या संबंदाचें मुखेल कार्य थारता. असलीं संघटनात्मक कामां सध्या एकूच पक्ष पद्दतशीरपणान करता, अशें लोकूच सांगतात.
नव्या विचारांचें सरकार तयार करपा खातीर आनी समस्यांचेर मात करपा खातीर कागाळी निवारणांत नव्या राजकी पक्षांची म्हत्वाची भुमिका आसता. नागरिकांच्यो मागण्यो एकठांय करून तांचें धोरण तयार करपाचे प्रक्रियेंत आस्पाव करपा खातीर राजकी पक्ष तयार केल्ले आसतात. घरगुती प्रस्नांचेर (थळावो वा वैयक्तीक) उपाय काडप हो पक्षांक मतदारांची गरजो समजून घेवपाचो, भौशीक तेंको तिगोवन दवरपाचो आनी तांच्या कार्यावळींक खाशेल्या पद्दतीन आकार दिवपाचो एक वेव्हारीक मार्ग.
लोकशायेंत कागाळी निवारण हे जापसालदारकेचें एक म्हत्वाचें आंग, खास करून कुशीक काडिल्ल्या वा दुबळ्या लोकां खातीर. जेन्ना नागरिकांक समस्या येतात (देखीक- घरां, थळाव्या मुळाव्या साधनसुविधां कडेन संबंदीत, वा रेशन कार्ड, गॅस जोडणी, खंयच्याय प्रकारचें प्रमाणपत्र, उदक जोडणी, वीज जोडणी, उत्पन्नाचो पुरावो, भलायकी समस्या, शिक्षणीक समस्या, बेकारी समस्या, मुंडाकार आनी कुळ प्रस्न आदी) संबंदीत, तेन्ना ते चड करून थळाव्या पक्ष प्रतिनिधीं कडेन (देखीक मतदारसंघांतले वार्ड वांगडी वा आमदार) वचून आपले हुस्के उक्तायतात आनी उपाय मागतात.
थळावे प्रस्न सोडोवपाची पक्षाची वचनबद्धताय चड करून वेंचणुकेच्या आश्वासनांचो मुळावो भाग आसता. हे आश्वासन पाळटले आनी थळावे प्रस्न सोडोवंक अपेस आयल्यार तो विश्वासघात मानूं येता अशी अपेक्षा मतदारांक आसा. आस्वासन पाळूंक ना जाल्यार ते अस्वस्थ जातात.
“म्हजी कुळ फायल जायतीं वर्सां आडकून पडल्या. कसलोच आदेश नासतना 1/14 फॉर्मांतल्यान म्हज्या आजोबाचें नांव वगळ्ळां. म्हजे जायते आरटीआय अर्ज प्रलंबीत आसात.. कोणा कडल्यान निवारण मागचे?” हांवें मागलें पूण कोणेंच ताची दखल घेतली ना. अशो कागाळी दरेका घरांत आसतल्यो. त्यो सोडोवच्यो. एक नवो पक्ष उदेंतलो. पक्षाचें म्हत्व थंयच आशिल्लें. काँग्रेस पक्ष, तांचें एकसुरेपण. ताचे सुवातेर भाजपा.
औपचारीक सरकारी संस्था (देखीक भौशीक तक्रार निवारण पद्दत वा घरां खातीर विशिश्ट लोकपाल येवजण) अधिकृत कागाळी हाताळटा आसतना, राजकी पक्ष आनी तांचे थळावे वांगडी चड करून नागरिकां खातीर अनौपचारीक, सहजतायेन मेळपी पयलो संपर्क बिंदू म्हूण काम करतात, जाका लागून तांकां नोकरशाही वेवस्थेंत मार्गदर्शन करपाक मदत करतात. पूण नव्या राजकी पक्षांची दारांतल्यान दारांत सेवा देशांतल्या दरेका घराची गरज भागोवपाची नवी क्रांती जावंक शकता, खास करून उदरनिर्वाहाच्या मळार. सरकाराचेर फकत टिका करप पुरो जायना. आठवो पगार आयोग खंयच्याय परिस्थितींत दरेका घरांत पावपाक जाय…चनथो.. पांचवो आयोग तरी पावयात.
राजेश बाणावलीकार,
वेगसवाडो, हडफडे, बार्देश
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
