भांगरभूंय | प्रतिनिधी
भांगरभूंय । प्रतिनिधी
पणजीः 189 पर्यटकांक घेवन पोलंड सावन दुसरे चार्टर विमान मोपा विमानतळचेर देंवले. ह्या पर्यटकांक पर्यटन खात्याचें अधिकाऱ्यांनी उर्बेभरीत येवकार दिलो.
चार्टर विमान इएनटी 1443 काटोवीज पोलंड सावन शुक्रारा 9.30 वरांचेर मनोहर अंतरराष्ट्रीय विमानतळ मोपा हांगासर देंवले. अंदूंचे पर्यटन हंगामात काटोवीज सावन येवपी हे पयलें चार्टड विमान आसा जाल्यार पोलंड सावन येवपी हे दुसरें चार्टड विमान आसा. पर्यटकांक विमानतळाचेर देंवले उपरांत हुनहुनीत आनी पारंपारीक पद्दतीन येवकार दिवन गोंयचे आदारीथ्याचेर भर दिलो.
हे विशीं उलयतना पर्यटन मंत्री रोहन खंवटे हांणी सांगले, काटोवीज सावन आयिल्ले पयलें चार्टर विमान गोंयचे अंतरराष्ट्रीय पर्यटन क्षेत्रा खातीर सकारात्मक गजाल जावन आसा.
पोलंड हे सेगीत गोंया खातीर महत्वाचे थळ जावन आसा. दर्जेदार पर्यटनाक प्रोत्साहन दिता आसतना थळाचो विस्तार करपाचे आमच्या यत्नाक हे भशेनच्यो चार्टड विमाना घटाय दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
