भांगरभूंय | प्रतिनिधी
नवी दिल्ली, खबरां संस्थाः झोमॅटो, स्विगी आनी ब्लिंकिट सारकिल्ल्या फूड डिलिव्हरी अॅप्स विशीं गिरायक आनी डिलिव्हरी कामगारां मदीं नाराजी वाडत आसा. लोकलसर्किल्सच्या हालींच केल्ल्या सर्वेक्षणां प्रमाण, 55% गिरायकांनी सांगलें ह्या अॅपा वयल्यान जेवण ऑर्डर करतना रेस्टॉरेंटांत वचून जेवपा परस चड पयशे दिवचे पडटा.
हाचें कारण म्हणल्यार अॅपा वरवीं रेस्टॉरेंटा कडल्यान घेवपी 20 ते 30 टक्क्यांचें चड कमिशन आसता अशें म्हण्टात. हाचो थेट परिणाम गिरायकांच्या खिशांचेर जाता. ह्या सर्वेक्षणांत देशांतल्या 359 जिल्ह्यांतल्या 79 हजारां परस चड प्रतिसादांचो आस्पाव आशिल्लो. हातूंत 61% दादले आनी 39% बायलो आशिल्ल्यो.
हे सर्वेक्षण लोकलसर्किल्स प्लॅटफॉर्माचेर केल्लें आनी सगळे भाग घेवपी सत्यापीत नागरिक आशिल्ले. सर्वेक्षणांत वांटो घेवपा खातीर लोकलसर्किल्साचेर नोंदणी करप गरजेचें आशिल्लें.
2030 मेरेन 12 लाख कोटी रुपयांचो फूड मार्केट
भारतांत ऑनलायन फूड डिलिव्हरी मार्केट 2024 वर्सा सुमार 31.8 अब्ज डॉलर म्हणल्यार 2.86 लाख कोटी रुपया आशिल्ले. स्मार्टफोन, इंटरनेट आनी शारीकरणाचो वापर वाडत आशिल्ल्यान 2030 मेरेन हे मार्केट 12 लाख कोटी रुपया मेरेन पावूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
