भांगरभूंय | प्रतिनिधी
जनगणने खातीर अधिकाऱ्यांची अधिसुचोवणी जारी
भांगरभूंय । प्रतिनिधी
पणजी : गोंया सयत पुराय देशांत आतां जनगणनेची प्रक्रिया सुरू जातली. जनगणने खातीर त्या, त्या जिल्ह्याचे जिल्होधिकारी प्रधान जनगणना अधिकारी आसतले. प्रधान जनगणना अधिकाऱ्यां सयत कार्यक्षेत्रा सयत हेर अधिकारी नियुक्त करपी अधिसुचोवणी जारी जाल्या.
उत्तर गोंय जिल्होधिकारी हे उत्तर गोंयचे, दक्षीण गोंय जिल्होधिकारी हे दक्षीण गोंयचे जाल्यार कुशावती जिल्होधिकारी हे कुशावती जिल्ह्याचे प्रधान जनगणना अधिकारी आसतले. तशेंच दरेकी जिल्ह्याचे अतिरिक्त जिल्होधिकारी हे जिल्हो जनगणना अधिकारी आसतले, जाल्यार दरेका जिल्ह्याचे जिल्हो म्हायती अधिकारी (इन्फॉर्मेटिक्स ऑफीसर) हे अतिरिक्त जिल्हो जनगणना अधिकारी आसतले.
हेर उपविभागीय जनगणना अधिकारी आनी जनगणनेचें कार्यक्षेत्र अशें आसतलें :
उपजिल्होधिकारी आनी एसडीओ पणजी : पणजी उपविभाग आनी शार
उपजिल्होधिकारी आनी एसडीओ मडगांव : मडगांव उपविभाग आनी शार
उपजिल्होधिकारी आनी एसडीओ मुरगांव : मुरगांव उपविभाग आनी शार बार्देस, दिवचल, पेडणें, सत्तरी, तिसवाडी, फोंडें, धारबांदोडें, सांगें, केपें, साश्ट, मुरगांव, काणकोण उपजिल्होधिकाऱ्यां कडेन संबंदीत म्हालाचो ताबो आसतलो. म्हालाच्या जोड मामलेदारा कडेन त्या, त्या म्हालाच्या अतिरिक्त जनगणना अधिकारी पदाचो ताबो आसतलो. या अधिकाऱ्यांक घोशणापत्राचेर सय करपाचे अधिकार आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
