भांगरभूंय | प्रतिनिधी
सर्वोच्च न्यायालयान जाली रस्ताद सुण्यां संबंदीत प्रकरणांची सुनावणी
नवी दिल्ली, खबरां संस्था: सर्वोच्च न्यायालयान बिरेस्तारा दुसर्या दिसा सेगीत अडेज वरां रस्ताद सुण्यां संबंदीत प्रकरणांची सुनावणी घेतली. सुण्यांच्या वागणुकेचेर न्यायालयांत चर्चा जाली. सुण्यांक मनशाचो भंय जाणवता म्हणून चाबतात अशें न्यायमूर्ती नाथ हांणी सांगलें. एक वकिलान (सुण्यांची बाजू मांडपी) हें न्हयकारलें. न्यायाधीशान जाप दिली, तकली हालोवंक नाका, हांव वयक्तीक अणभवांतल्यान उलयतां.
मजगतीं, याचिकाकर्त्याच्या वकिलान निदर्शनाक हाडून दितना सांगलें, राज्यांनी दिल्ले खंयचेच आंकडेवारींत नगरपालिका कितलीं आश्रयस्थानां चलयतात हें दाखोवंक ना. देशात फकत पांच सरकारी आश्रयस्थानां आसात, तांतल्या दरेकांत १०० सुणे रावपाक शकतात. आमकां मुळाव्या सुविधांची गरज आसा.
सुनावणेचे सुरवातेक, जनावरां कल्याणाचें प्रतिनिधित्व करपी वकील सीयू सिंह हांणी सुण्यांक काडपाचेर वा तांकाञ आश्रयस्थानांत धाडपाचेर आक्षेप घेतला. तांणी असो युक्तिवाद केला, सुण्यांक काडल्यार हुंदरांचो आंकडो वाडटलो. हाचेर न्यायालयान विनोदाने टिप्पणी केली, जाल्यार, आमी मांजरां घेवन येवं?
फाटल्या सात म्हयन्यांत ह्या प्रकरणाची स फावटीं सुनावणी जाली. फाटल्या वर्सा नोव्हेंबरांत सर्वोच्च न्यायालयान शाळा, रुग्णालयां, बस स्टँड, खेळां संकुल आनी रेल्वे स्टेशनांतल्यान रस्ताद सुण्यांक काडपाचे आदेश दिल्ले. तशेंच ह्या जनावरांक नियुक्त केल्ल्या आश्रयस्थानांत हालोवपाचे निर्देश दिले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
