भांगरभूंय | प्रतिनिधी
भांगरभूंय । प्रतिनिधी
मुरगांवः वास्कोचो आमदार कृष्णा (दाजी) साळकार हांणी वास्को हांगा बागायतदार बाजारा कडेन उबारपाचे रॅम्प सुवातेची पळोवणी केली. तांच्या वांगडा गॅमन इंडियाचे अधिकारी, राष्ट्रीय म्हामार्ग प्राधितरण, बांदकाम खात्याचे अधिकारी तशेंच येरादारी उपअधिक्षक धर्मेश आंगले आशिल्ले.
रॅम्प प्रकल्पाक लागून वास्को शारांतले आयओसी जंक्शन, गोम्स मार्ग, भाजी मार्केट वाठारांत येरादारीक आडखेळ जावपाचे भिरातेन गोवा फर्स्ट हे बिगर सरकारी संस्थेन ती उबारपाक विरोध केल्लो. ताका लागून तिचें काम बंद पडिलां. एमपीटींत वता त्या फ्लाय ओव्हरा वयल्यान वास्को शारांत येवपा खातीर हे रॅम्प बांदपाचे आसात.
र्रम्प बांदल्यार रस्त्याची रुंदात सध्याच्या 18 मीटरांचे सुवातेर 10 तें 11 मीटर जातली ताका लागून येरादारीची कोंयडी जातली अशें गोवा फर्स्टाचें म्हणणें आसा.
येरादारी उपअधिक्षक धर्मेश आंगले हांणी लेगीत रॅम्पाक लागून एफएल गोम्स ह्या मुखेल रस्त्यार येरादारीची कोंयंडी जातली अशें सांगलां. अवजड वाहनांची येरादारी कमी रुंदााय आशिल्ल्या स्वातंत्र्य पथावयल्यान वळोवप सारकें जावचें ना अशें तांणी आमदार साळकार हांका सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
