भांगरभूंय | प्रतिनिधी
रुपांतर रद्द करपाची आमदार जीत आरोलकार हांची मागणी
पणजीः पेडणें नगरनियोजन कायद्याच्या कलम 17 (2) आनी 39 (ए) खाला 60 लाख चौखण मिटर जमनीचें रुपांतर केलां. हे रुपांतर रद्द करपाची मागणी आमदार जीत आरोलकार हांणी केल्या. तशेंच हो प्रस्न विधानसभेंतूय काडटलो अशें तांणी सांगलें.
जमनीच्या रुपांतराचो मुद्दो सध्या गोंयांत बरोच गाजता. गोंय वाटावपाचे लोकचळवळ सभेंतूय 17 (2) आनी 39 (ए) खाला जमनीचें रुपांतर रद्द करपाची मागणी केली. हाचे उपरांत आयज मांद्रेंचे आमदार जीत आरोलकार जमीन रुपांतर प्रस्ना विशीं मुख्यमंत्री डॉ. प्रमोद सावंत हांकां मेळ्ळे.
पेडण्यांत बिगर गोंयकारांनी 238 जमिनींची खरेदी केल्या. जमनी विकले उपरांत जमनीचें रुपांतर नेटान जायत आसा. हे संबंदी मुख्यमंत्र्यांक मेळून तांकां निवेदन सादर केल्ल्याची म्हायती आमदार जीत आरोलकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
