भांगरभूंय | प्रतिनिधी
पुणे, खबरां संस्था: कॉंग्रेसीचे ज्येश्ठ फुडारी आनी आदले केंद्रीय मंत्री सुरेश कलमाडी आयज संवसाराक अंतरले. तांकां ८२ वर्सां पिरायेचेर मरण आयलें. महाराष्ट्रांतले ज्येश्ठ राजकारणी तशेंच राष्ट्रवादी कॉंग्रेस पक्षाचे अध्यक्ष शरद पवार, केंद्रीय मंत्री रामदास आठवले, उपमुख्यमंत्री अजित पवार, कॉंग्रेस फुडारी बाळसाहेब थोरात हांचे सयत खुबश्या फुडार्यांनी तांच्या मरणाचेर दुख्ख उक्तायलां. कलमाडी हांच्या मरणान देशांतल्या राजकारणांतलो एक अणभवी, संघर्शांतल्यान घडिल्लो फुडारी आमी वगडायलो अशें पवार हांणी म्हणलें.
सुरेश कलमाडी हांची कूड दनपारच्या दोन वरां मेरेन पुण्याक तांच्या घरा निमाण्या दर्शना खातीर दवरतली. उपरांत तांचे कुडीचेर निमाणे संस्कार जाले. केंद्रांत कॉंग्रेसची सत्ता असतना सुरेश कलमाडी हे केंद्रीय मंत्री आशिल्ले. पुण्याच्या राजकारणांत ते बरेच वावुरल्यात. ते जायतीं वर्सां पुण्याचे खासदार आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
