भांगरभूंय | प्रतिनिधी
पणजीः गोवा कोंकणी अकादेमी पणजी गोंय, साहित्यमंथन सत्तरी आनी पी.एम.श्री. सर्गेस्त हिरोजीराव बाबूराव देसाई सरकारी माध्यमीक विद्यालय ठाणें सत्तरी हांच्या जोड पालवान ३१ जानेवारी आनी ०१ फेब्रुवारी २०२६ ह्या दिसा २५ वें युवा कोंकणी संमेलन आयोजीत केलां.
ह्या निमतान तरणाट्या साहित्यिकां खातीर विंगड विंगड सर्ती आयोजीत केल्यात. कथा, कविता, निबंद, नाटकुलें आनी पुस्तक परिक्षण अश्यो सर्ती संमेलनांत आसतल्यो. साहित्य धाडपाची निमणी तारीख २० जानेवारी २०२६ मेरेन आसा.
सर्तीचे नेम आनी अटी अशे आसात–
कथा लेखन सर्त
१)कथा स्वता बरयल्ली आसची, तशेंच ती खंयच प्रकाशीत जाल्ली आसपाक जायना.
२)१५ ते ३५ पिराये मेरेनच्या खंयच्याय तरणाट्यान वा तरणाटेन हे सर्तींत वांटो घेव येता.
३)कथा देवनागरी कोंकणींत टायप करून पीडीएफ स्वरुपांत धाडची.
४)सर्तकांचें नांव, नामो, फोन नं. आनी हेर म्हायती लिंकान दिल्ल्या गूगल फॉर्मांत दिवची.
५) कथे खातीर उण्यांत उणे ५०० तशेंच चडांत चड १००० मेरेन शब्द मर्यादा आसची.
६)सर्तींत वांटो घेतिल्ल्या सर्तकान संमेलनाक येवप तशेंच संमेलनाच्या दुसर्या दिसा जावपी कार्यशाळेंत वांटो घेवप सक्तीचें.
७)परिक्षकांचो निर्णय निमाणो आनी बंधनकारक आसतलो.
लिंक : https://forms.gle/78RKMhXL66GuFSu8
कविता लेखन सर्त
१) कविता स्वता बरयल्ली आसची, तशेंच ती खंयच प्रकाशीत जाल्ली आसपाक जायना.
२)१५ ते ३५ पिराये मेरेनच्या खंयच्याय तरणाट्यान वा तरणाटेन हे सर्तींत वांटो घेव येता.
३)सर्तकाक खंयच्याय विशयाचेर कविता बरोवपाक मेकळीक आसतली.
४)कविता देवनागरी कोंकणींत टायप करून पीडीएफ स्वरुपांत धाडची.
५) सर्तकाचें नांव, नामो, फोन नं. आनी हेर म्हायती लिंकान दिल्ल्या गूगल फॉर्मांत दिवची.
सर्तींत वांटो घेतिल्ल्या सर्तकान संमेलनाक येवप तशेंच संमेलनाच्या दुसर्या दिसा जावपी कार्यशाळेंत वांटो घेवप सक्तीचें.
६)परिक्षकांचो निर्णय निमणो आनी बंधनकारक आसतलो.
लिंक: https://forms.gle/78RKMhXL66GuFSu8
पुस्तक परीक्षण लेखन सर्त
१) हे सर्तींत वांटेकार जावपी सर्तकांची पिराय १५ ते ३५ वर्सां आसची.
२) खंयच्याय एका साहित्य प्रकारांतल्या एका कोंकणी पुस्तकाचेर अवलंबून आसचें. परीक्षण लेख ७०० ते १००० उतरां मेरेन आसचें.
३) सर्तकान आपणें बरयल्लें ‘पुस्तक परीक्षण’ धाडचें. हेर लेखकांनी केल्लें परीक्षण धाडचें न्हय.
४) परीक्षण लेखाच्या सकयल, पुस्तकाचें नांव, लेखकाचें नांव, साहित्य प्रकार, प्रकाशन वर्स आनी प्रकाशकाचें नांव हांची नोंद आसप गरजेचें.
५) साहित्य देवनागरी कोंकणींत टायप करून पीडीएफ स्वरुपांत धाडचें.
६) सर्तकाचें नांव, नामो, फोन नं. आनी हेर म्हायती लिंकान दिल्ल्या गुगल फॉर्मांत दिवची.
सर्तींत वांटो घेतिल्ल्या सर्तकान संमेलनाक येवप तशेंच संमेलनाच्या दुसर्या दिसा जावपी कार्यशाळेंत वांटो घेवप सक्तीचें.
७) परिक्षकांचो निर्णय निमणो आनी बंधनकारक आसतलो.
लिंक : https://forms.gle/78RKMhXL66GuFSu8
नाटकुलें लेखन सर्त
१)हे सर्तींत वांटेकार जावपी सर्तकांची पिराय १५ ते ३५ वर्सां आसची.
२) नाटकुलें स्वता बरयल्लें आसचें, तशेंच तें खंयच प्रकाशीत वा सादर जाल्लें आसपाक जायना.
३) साहित्य देवनागरी कोंकणींत टायप करून पिडीएफ स्वरुपांत धाडचें.
४) सर्तकाचें नांव, नामो, फोन नं. आनी हेर म्हायती लिंकान दिल्ल्या गुगल फॉर्मांत दिवची.
सर्तींत वांटो घेतिल्ल्या सर्तकान संमेलनाक येवप तशेंच संमेलनाच्या दुसर्या दिसा जावपी कार्यशाळेंत वांटो घेवप सक्तीचें.
५) नाटकुलें लेखनांत राजकीय, धर्मीक, वयक्तीक भावना दुखोवपी तशेंच पोजडेपणां आसपाक फावना.
६)नाटकुल्याची लांबाय १५ ते २० मिनटां मेरेन सादर जातलें इतली आसची.
७)परिक्षकांचो निर्णय निमणो आनी बंधनकारक आसतलो.
लिंक: https://forms.gle/78RKMhXL66GuFSu8
८)साहित्य देवनागरी कोंकणींत टायप करून पीडीएफ स्वरुपांत धाडचें.
निबंद लेखन सर्त
१) हे सर्तींत वांटेकार जावपी सर्तकांची पिराय १५ ते ३५ वर्सां आसची.
२)निबंद स्वता बरयल्लो आसचो, तशेंच तो खंयच प्रकाशीत जाल्लो आसपाक जायना.
३)निबंद खंयच्याय प्रकारांत बरोवं येता.
४)निबंदाक विशयाचें बंदन आसचें ना.
५)निबंद लेखनांत राजकीय, धर्मीक, वयक्तीक भावना दुखोवपी आसपाक फावना.
६) निबंद उण्यांत उणो ५०० ते ६०० उतरां मेरेन आसचो.
७)सर्तकाचें नांव, नामो, फोन नं. आनी हेर म्हायती लिंकान दिल्ल्या गुगल फॉर्मांत दिवची. सर्तींत वांटो घेतिल्ल्या सर्तकान संमेलनाक येवप तशेंच संमेलनाच्या दुसर्या दिसा जावपी कार्यशाळेंत वांटो घेवप सक्तीचें.
८)परिक्षकांचो निर्णय निमणो आनी बंधनकारक आसतलो.
लिंक: https://forms.gle/78RKMhXL66GuFSu8
हे सर्ती विशीं चड म्हायती खातीर गोवा कोंकणी अकादेमी – ७७७५८ ९१८५७, काशिनाथ नायक – ९१५८३ ४५८४४, केदार सावंत – ८००७५ ७७००६ ह्या नंबरांचेर संपर्क करचो, अशें अकादेमी वतीन कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
