भांगरभूंय | प्रतिनिधी
पणजी : भोमा पंचायती लागसार हिरो होंडा स्प्लेंडर आनी व्हेस्पा स्कुटरी मदीं आयतारा रातीं अपघात जालो. हातूंत मुकुंद सरनाईक (४४) हाका मरण आयलें. गोमेकॉंत उपचार सुरू आसतना तांकां मरण आयलें.
चड म्हायती प्रमाण, बाणस्तारीच्यान विश्वजित गावडे (२८) हो तरणाटो कुंडयचे दिकेन आपले मोटारसायकलींत वतालो. मुकूंद सरनाईक हो कुंडयच्यान बाणस्तारीचे दिकेन येतालो. भोमा पंचायती लागसार पावतांच ह्या दोनाय दुचाकीं मदीं अपघात जालो. मुकुंद सरनाईक हो गंभीर जखमी जालो. ताका गोमेकॉंत व्हेलो. मात उपचार सुरू आसतना मरण आयलें.
हे विशीं म्हाड्डोळ पुलिसांनी विश्वजीत गावडे हांचे आड निश्काळजीपणान दुचाकी चलोवन अपघाताक कारण थारिल्ल्यान गुन्यांव नोंद केला. उपनिरीक्षक नितेश काणकोणकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
