भांगरभूंय | प्रतिनिधी
पैंगीण : देवबाग- काणकोणच्या एका गेस्ट हावजांतल्यान मध्य प्रदेशांतल्या तीन पर्यटकांचे तीन लॅपटॉप चोरी जाले. देवाबागच्या ‘मिकासा बाय द मेडोज गेस्ट हावजां’त कुलुप नाशिल्ले कुडींतल्यान हे लॅपटॉप चोरले.
हे विशीं काणकोण पुलिसांनी दिल्ले म्हायती प्रमाण, ३१ डिसेंबराचे मध्यानरातीं ते १ जानेवारी सकाळीं मजगतीं हें चोरयेचें प्रकरण घडलां. मध्य प्रदेशांतल्या बालाघाटचे तुषार तुरकर हांणी काणकोणा पुलीस स्टेशनार केल्ले कागाळींत म्हणलां, तांचो ऍपल प्रो १३ लॅपटॉप, आदर्श आनंद आनी मोहित जिंदाल हांचे ऍपल एअर १३ आनी लेनोवो थिंकपॅड ई १४ जी५ हे लॅपटॉप चोरल्यात. हे विशीं काणकोण पुलिसांनी भारतीय न्याय संहिता २०२३ च्या कलम ३३१(४), ३०५ खाला गुन्यांव दाखल केला. पुलीस निरीक्षक हरिष रावत देसाय हांच्या मार्गदर्शना खाला उपनिरीक्षक अजित वेळीप फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
