जानेवारींत जावपी काले, जात्रा

भांगरभूंय | प्रतिनिधी

पणजी: गोंयची संस्कृताय सामकी गिरेस्त. गोंय परंपरा तिगोवन दवरपी राज्य. हांगा जानेवारी आनी फेब्रुवारी ह्या दोन म्हयन्यांत विवीध उत्सव चालूच आसतात. ह्याच दोन म्हयन्यांक राज्यांतल्या कांय देवळांच्यो जात्रा भक्तीभावान मनयतात. केन्ना मनयतले तें पळोवया.

जानेवारींत जावपी जात्रा
फातर्पाच्या श्री शांतादुर्गा फातर्पेकान्न आनी श्री शांतादुर्गा कुंकळ्ळीकान्न ह्या संस्थानांच्यो जात्रा डिसेंबरांत जाल्यो. सध्या हांगा देवीक केल्ले आंगवणी खातीर गोंय, कर्नाटक आनी महाराष्ट्रांतले हजारांनी भावीक येतात. मजगतीं, २ जानेवारीक म्हापशाच्या श्रीबोडगेश्वराचे जात्रेक सुरवात जाल्या. ३ जानेवारीक बेळगांव- सौंदत्तीच्या रेणुका मातेच्या यात्रेक सुरवात जाली. ४ जानेवारीक पाज- शिरोडेंच्या श्री ब्रह्मदुर्गा देवीची जात्रा सुरू जाली. ५ जानेवारीच्यान पर्यें श्रीभुमिका देवी, वरगांवची श्रीचामुंडेश्वरी देवी आनी गावडेवाडो- मांद्रेंचे श्रीसांतेरी गिरोबा देवाची जात्रा सुरू जातली. ६ जानेवारीक कालेंच्या श्रीसकल देवस्थानाची जात्रा, नादोडें- रेवोडेंच्या श्रीमाऊली भूतनाथ देवीची जात्रा आनी कुचेलीचो राष्ट्रोळी देवस्थानचो जात्रोत्सव जातलो.
६ जानेवारीक माडेल थिवीच्या श्रीमहागणपती भवानी शंकर बांदेश्वर ब्राह्मण महिषासुरमर्दिनी देवस्थानाची वर्सुकी जात्रा जातली. ७ जानेवारीक खोर्ली-म्हापशेंच्या घाटेश्वर देवाचो जत्रोत्सव, शिगांवच्या श्री महादेव देवस्थानाचो कालोत्सव तशेंच काणकाबांध-म्हापशेंच्या राष्ट्रोळी देवाचो जात्रोत्सव जातलो.
१२ जानेवारीक साळगांवच्या देवी शर्वाणी देवस्थानचो वर्धापनदीस तशेंच घोटेलीच्या श्रीसांतेरी देवस्थानाचो वर्सुकी कालो जातलो. १३ जानेवारीक सोनावली- कुळेंच्या श्रीसकलनाथ सांतेरी दुदसागर देवस्थानाचो वर्सुकी कालो जातलो. १४ जानेवारीक मकर संक्रांत. १५ जानेवरीक उगें-सांगेंच्याा श्री हेमांडदेवाचो कालो. १७ जानेवारीक खांडीवाडा- कुडचडेंच्या श्री गजानन मंदिर वर्सुकी उत्सव, कामरखंड-अमळाय, पंचवाडीच्या श्री सोमनाथ देवस्थानाच्या वर्सुकी उत्सवाक सुरवात जातली.
१९ जानेवारीक वेर्लेच्या श्रीराष्ट्रोळी नारायण देवाची जात्रा जातली. २० जानेवारीक सुकुर- पर्वरेच्या श्रीसिद्धिविनायक राष्ट्रोळी ब्राह्मण देवळाची जात्रा, सांगेच्या श्रीगणपती व्याघ्रेश्वर देवाचो मुर्तीप्रतिश्ठापना दीस, धावेंचो श्रीहनुमान मुर्तीप्रतिश्ठापना दीस, सुलाभाट-आगशेच्या श्रीसांखळ्यो देवस्थानाचो वर्धापन दीस, बायणाच्या श्रीदेव खाप्रेश्वर देवाचो वर्धापन दीस मनयतले.
२१ जानेवारीक सिरसयच्या श्रीमहालक्ष्मी देवस्थानाचो वर्धापनदीस मनयतले. २३ जानेवारीक धाकलेंभाट डोंगरीच्या श्रीजगदंबा षष्ठी शांतादुर्गा पुर्वाधिश्ठान वर्धापन दीस, मारंगण-सांगेंच्या श्रीसकलनाथ देवाची जात्रा, शेल्डें केपेंच्या श्रीशांतादुर्गा गोठण देवस्थानाची जात्रा, वनामळ-कालेंच्या श्रीदेवदेवेश्वर देवालयाची जात्रा जातली. २४ जानेवारीक जुवारवाडो तिवरेंच्या श्री महालक्ष्मी देवस्थानाचो वर्धापनदीस तशेंच शेळ- बस्तोडच्या श्रीसिद्धेश्वर देवस्थानाचो वर्धापन दीस मनयतले.
२५ जानेवारीक श्रीमंगेशी देवस्थानाचो रथोत्सव आनी वन-म्हावळिंगे, दिवचलचे महामाया देवीचो जात्रोत्सव जातलो. २७ जानेवारीक मारुतीगड-मळा, पणजेच्या श्रीमारूतीराय संस्थानाची जात्रा आनी दांडा- शिवोलेच्या श्रीम्हाताराजेश्वर देवस्थानाची जात्रा जातली. २८ तारखेर मुळगांवच्या देवी केळबाय देवस्थानचो वर्धापनदीस. २९ जानेवारीक रावण-केरीच्या श्रीसांतेरी देवस्थानांत कालो मनयतले. ३० तारखेर कुडचडेंच्या श्रीसांतेरी मंदिराची जात्रा मनयतले आनी ३१ जानेवारीक आझोशीच्या श्रीमहादेव देवस्थानाचो वर्धापन दीस, जाल्यार रावणफोंड हांगा श्रीशांतादुर्गा देवळाचो वर्धापनदीस मनयतले.