भांगरभूंय | प्रतिनिधी
वाळवंटी न्हंयेच्या सोबितीकरण कामाचें उक्तावण
सांखळे : साखळे सुंदर जाल्यारूच फ्लॅट, रीअल इस्टेटाचें दर वाडटलें. सांखळे सुंदर जाल्यार पणजे मेळटात तशे दर सांखळेच्या फ्लॅट, रिअल इस्टेटाक मेळटले. सांखळे नितळ आनी सोबीत आसल्यार वेपार्यांकूय ताचो फायदो जातलो, अशें मुख्यमंत्री डॉ. प्रमोद सावंत हांणी सांगलें.
वाळवंटी वाठाराची उदरगत, विकास आनी सोबितीकरण कामाचें आयज उक्तावण जालें. बुन्यादी फातर बसोवपाचे कार्यावळीं मुख्यमंत्री उलयताले.
भलायके खातीरूय पर्यावरण नितळ आसप गरजेचें. नितळसाणे खातीर घाणयारें उदक तशेंच गटार वेवस्था योग्य तरेची आसपाक जाय. कपडे, कागद, प्लास्टीक अशे सगले तरेचो कोयर नगरपालिका एकठांय करता, तरी लोक रस्त्यार कोणर कित्याक उडयतात? हेंच म्हाका कळना. ‘पांचवें हरवळें, विकसीत विर्डी आनी सुंदर सांखळे’ अशी घोशणा हांवें वेंचणुके पयलीं दिल्ली. हरवळेंच्या रूद्रेश्वर देवस्थानाच्या सोबितीकरणाचें १८ कोटींचें काम सुरू आसा. राधाकृष्ण मंदीर देवळाचें सोबितीकरण जालां, अशें मुख्यमंत्र्यानी म्हणलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
