भांगरभूंय | प्रतिनिधी
पेडणें: लोकांक काळखांत दवरून जमीन झोन बदल्ल्यार पेडणेंचे जनतेक परत रस्त्यार येवचें पडटलें. पेडणेंची राखण करपा खातीर हांव जनते वांगडाच आसतलों, अशी शिटकावणी मांद्रेंचे आमदार जीत अरोलकार हांणी दिली.
भटवाडी- हरमलची साडेतीन लाखां परस चड मिटर जमीन टीसीपी विभागान जमीन रूपांतरीत बेकायदेशीर केल्लें. हे विशीं आमदार आरोलकर हांची थळाव्यांनी भेट घेवन हाका आपलो विरोध दाखयिल्लो. उपरांत तांणी मुख्यमंत्री प्रमोद सावंत हांची भेट घेवन जमीन रूपांतरीत केल्लें प्रकरण आदलें भशेन जमीन झोन करपाची मागणी केल्ली. ते प्रमाण डाॅ. सावंत हांणी थळावे नागरीक आनी आमदार आरोलकार हांकां गवाय दिल्ली. ते प्रमाण जमीन झोन रद्द करून थळाव्यांक थाकाय दिली. हे विशीं आरोलकार हांकां विचारलें तेन्ना तांणी वयली प्रतिक्रिया दिली.
आमदार आरोलकार हांणी म्हणलें, सुरवातेक सावनूय आपलो जमीन झोन म्हळ्यार रूपांतरीत करपाक विरोध आसा. हाका लागूनच जनते वांगडा रस्त्यार येवन आंदोलन केल्लें. जर परत जमीन रूपांतरीत करपाचीं प्रकरणां घडलीं आनी जनतेक, थळाव्यो पंचायतींक विस्वासांत घेनासतना टीसीपी विभागान जमीन रूपांतरीत केल्यार आपूण परत रस्त्यार येवपाक फाटीं फुडें पळोवचो ना, अशी शिटकावणी तांणी दिली.
सैम वाटावपा खातीर आपूण जनते वांगडा: आमदार
सैम आमकां जीण जगपाचो मार्ग दाखयत आसता. हो सैम सांबाळपाक जाय. वांगडा उदरगतूय करपाक जाय. मात ही उदरगत काँक्रिटाचीं रानां उबारून, दोंगर कापून, बेकायदेशीरपणान करची न्हय. हाका म्हजो सामको खर विरोध आसा, अशें आमदार आरोलकार हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
