गोठो सजावट सर्तीचो निकाल जाहीर

भांगरभूंय | प्रतिनिधी

पणजीः कला आनी संस्कृती संचालनालयान नातलां निमतान संस्थां/पंगड आनी वैयक्तीक/घरगुती अशा दोन गटां खातीर आयोजीत केल्ल्या राज्य पावंड्या वयल्या गोठो सजावट सर्तीचो निकाल जाहीर केलां. गोंयांत गोठो सजावटीची परंपरा तिगोवन दवरपा खातीर दर वर्सा खात्या वतीन अशी सर्त आयोजीत करतात. ह्या वर्सा सर्तींत संस्थां/पंगड गटांत 25 आनी वैयक्तीक/घरगुती गटांत 55 जाणांनी वांटो घेतिल्लो.
संस्थां/पंगड गटांत सर्तीचे पयलें 40,000 रूपयांचें इनाम मांडोप बॉयस, कपेलवाडो, नावेली साश्ट, दुसरें 35,000 रूपयांचें इनाम तळपा खुरीस स्पोर्टस एण्ड कल्चरल क्लब, दिकारपाली नावेली, तिसरें 30,000 रूपयांचें इनाम क्रियेटिव्ह बॉयस, फोन्साभाट वाडी मेरशी, चवथें 25,000 रूपयांचें इनाम झोन 9, सारझोरा चिंचीणी साश्ट, पाचवें 20,000 रूपयांचें इनाम नेविटी क्रिव्ह ऑफ होली स्पिरीट चर्च, फातोड्डें मडगांव हांकां फावो जालीं. उमेद वाडोवपी दरेकी 15,000 रूपयांचें इनाम आनी प्रशस्तीपत्र होली क्रॉस बॉयस, खामामळ-कुडचडें, क्रॉस बॉयस ऑफ कारमोणा, आलेमाव शिर, कारमोणा साश्ट, सेंट जोसेफ पॅरीश युथ, धर्मापूर साश्ट, होलीक्रॉस युनिव्हर्सल, खांडेपार, उसगांव आनी पॅरीश युथ ऑफ सेंट एनी चर्च, आगोंद-काणकोण हांकां फावो जाल्यात.
वैयक्तीक/घरगुती गटांत पयलें 25,000 रूपयांचें इनाम आनी प्रशस्तीपत्र आर्मस्ट्रॉग पी. द मिनेझिस, घर नं. 466, होली क्रॉस चपेला लागीं, आके बायश, नोवेली साश्ट, दुसरें 20,000 रूपयांचें इनाम आनी प्रशस्तीपत्र मिंगेल फर्नांडिस एण्ड सन्स, सांताकृज-फोंडें, तिसरें 15,000 रूपयांचें इनाम आनी प्रशस्तीपत्र रिचर्ड सी. काल्देरा, सांताकृज-फोंडें, चवथें 12,000 रूपयांचें इनाम आनी प्रशस्तीपत्र आमरॉय व्हिएगस, ताळगांव कार्दोयवाडो आनी पाचवें 10,000 रूपयांचें इनाम लाडि ए. राँकन, कांपाल पणजी हांका फावो जाल्यात. जाल्यार उमेद वाडोवपी दरेकी 7,000 रूपयांचें इनाम आनी प्रशस्तीपत्र डॅरिक डायस, आको बायश, गावठा मरड, नावेली, साश्ट, सानियो ज्योविन नोरोन्हा, बोर्डा मडगांव, आलेक्स सिल्वेरा, शिरोडा फोंडें, झेव्हियर फर्नांडीस, वाडी-मेरशी आनी दुआन एंजेलो पेरेरा, गावसावाडो- म्हापशें हांका फावो जाल्यात.
श्रीमती सोनिया रॉड्रिग्स सबरवाल, फॅबियानो गोन्साल्विस आनी संदेश सोनू नायक हांणी सर्तीचे परिक्षण केले. इनामां भेटोवपाच्या कार्यावळीची तारीख रोखडीच कळयतलें.