भांगरभूंय | प्रतिनिधी
पणजी : सरकारान आतां मेरेन १२ खण ब्लॉकांची पावणी केल्या. हातुंतले ५ ब्लॉक सुरू जाल्यात. जाल्यार ४ बेगीनूच सुरू जातले. हेर ६ ब्लॉकां खातीर फुडल्या म्हयन्यांत पावणी करतले. सरकारी डंप पॉलिसी खाला पावणेचो पयलो टप्पो जाल्ल्यान दुसरो टप्पो ह्या म्हयन्यांत जातलो अशी म्हायती मुख्यमंत्री डॉ. प्रमोद सावंत हांणी दिली. शुक्रारा मंत्रालयांत जाल्ले बसके उपरांत तांणी माध्यमां कडेन संवाद सादलो.
अर्थ खात्याचे बसके विशीं मुख्यमंत्र्यांनी सांगलें, अंदूंच्या अर्थ संकल्पांतले तरतुदीं खातीर मंजूर केल्ल्या निधीं मदली ५४ टक्के निधी नोव्हेंबराचे निमाणे कडेन वापला. मार्च २०२६ मेरेन मंजूर निधी मदलो ९५ टक्के वापरतले. हे बसकेंत अर्थ संकल्पांत मांडिल्ल्या विवीध तरतुदींचो आढावा घेतलो.
दरेका वर्सा कांय प्रकल्प फुडल्या वर्सा हालोवचे पडटात. जाल्यार कांय प्रकल्प त्याच अर्थीक वर्सा पुराय जातात. बसकेंत सगल्या खात्यां कडल्यान दिल्ले अर्थसंकल्प हमीचो परत एक फावट आढावो घेतलो. सगल्यो हमी पुराय करपाच्यो सुचवण्यो खातें मुखेल्यांक दिल्यात. डिसेंबर म्हयन्यांत ज्या वेगान जीएसटी संकलन गतीन जावंक ना. हाचो कांय परिणाम जावपाची शक्यताय आशिल्ल्याचें मुख्यमंत्र्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
