भांगरभूंय | प्रतिनिधी
राष्ट्रीय एकवट राखपा खातीर कारवाय गरजेची: आर्चबिशप
पणजी : देशांत क्रिस्तांवांचेर नातलां वेळार जाल्ल्या हल्ल्याचो निशेध करतानच आर्चबिशप फिलीप नेरी फेर्राव हांणी देशांतल्या अल्पसंख्यांकांच्या सुरक्षे विशीं हुस्को उक्तायला. राष्ट्रीय एकता आनी घटनात्मक मुल्ल्या राखपा खातीर सरकारी यंत्रणांनी निश्पक्ष कारवाय करपाचो उलो आर्चबिशप कार्डिनल फिलीप नेरी फेर्रांव हांणी नव्या वर्साच्या संदेशा वेळार मारला.
नव्या वर्साचीं परबीं भेटयतना आर्चबिशप फिलीप नेरी फेर्रांव हांणी नव्या वर्सा निमतान संदेश जारी केला. देशांतली चडशी जनता ही शांतताप्रिय आनी सर्व धर्म समभाव राखपी आसा. तरी हालींच्या काळांत नातलां वेळार क्रिस्तांवांचेर हल्ले जाले. ह्या हल्ल्यांचो आपूण निशेध करतां. ह्या हल्ल्यांक लागून अल्पसंख्यांकांक आतां असुरक्षित दिसपाक लागलां. एकवट, शांतता आनी जातीं मदलो एकवट सांबाळपाक सरकारी यंत्रणांनी हल्लेकारांचेर कारवाय करपाची गरज आसा. सर्व धर्म समभाव आनी जातीय एकवटाचेरूच देशाची एकी आनी शांंतता निंबून आसा. हो वेळ विस्कटपाक जायना, अशें आर्चबिशपान आपल्या संदेशांत म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
