भांगरभूंय | प्रतिनिधी
१ जानेवारी २०२६ सावन सुरू जालें. हाका लागून सामान्य नागरिकांचे दिसपट्टे जिणे कडेन संबंदीत जायते म्हत्वाचे नेम बदल्ल्यात. ह्या बदलांचो सरळ परिणाम सामान्य मनशांच्या बोल्साचेर जातलो. चलनवाड पयलींच वाडल्या, जाल्यार आयच्यान कांय वस्तूंच्या दरांत बदल जावपाची शक्यताय आसा. जाचो सरळ परिणाम सामान्यांचे बजेटीर जाता. एलपीजी गॅसाच्या दरांतल्यान गाडयेच्या दरांत बँकींग नेम, यूपीआय वेव्हार, सिम सत्यापन तशेंच वेगवेगळ्या सरकारी येवजण्यांनी कांय बदल केल्यात. नव्या वर्साक लागून जरी नवी आस्त आयल्या तरी कांय निर्णयांक लागून सामान्य मनशाचो खर्च वाडपाची शक्यताय आसा.
नव्या वर्साचे बदल
-नव्या वर्साच्या पयल्या दिसा १९ किलो वेपारी एलपीजी गॅस सिलिंडराचें मोल १११ रुपया वाडलां. ही दर वाड १ जानेवारी २०२६ सावन चालीक लागल्या. दिल्लींतल्या ह्या सिलिंडराचें मोल १५८०.५० रुपया वयल्यान १६९१.५० रुपया जालां. ह्या दर वाडपाचो थेट परिणाम रेस्टॉरंट आनी ल्हान वेपार्यांचेर जावपाची शक्यताय आसा.
-इंद्रप्रस्थ गॅस लिमिटेड कंपनीन देशांतल्या पायपांतल्यान पुरवण केल्ल्या सैमीक वायूच्या दरांत सुटका दिल्या. तातूंत दर मानक घनमीटराक ७० पयशांची उणीव केल्या. ह्या उणावा उपरांत दिल्लींतल्या पीएनजी गॅसाचो दर एससीएमाक ४७.८९ रुपया जाला. ह्या निर्णयाचो खास करून शारांतल्या कुटुंबांक फायदो जातलो. इंद्रप्रस्थ गॅस लिमिटेड कंपनीन देशांतल्या पायपांतल्यान पुरवण केल्ल्या सैमीक वायूच्या दरांत सुटका दिल्या. तातूंत दर मानक घनमीटराक ७० पयशांची उणीव केल्या. ह्या उणावा उपरांत दिल्लींतल्या पीएनजी गॅसाचो दर एससीएमाक ४७.८९ रुपया जाला. ह्या निर्णयाचो खास करून शारांतल्या कुटुंबांक फायदो जातलो.
-२०२६ वर्साचे सुरवातेक चार चाकी वाहन विकतें घेवप म्हत्वाचें जालां. बर्याच नामनेच्या मोटारी निर्मात्यांनी १ जानेवारी २०२६ सावन वाहनांचो दर वाडयला. बीएमडब्ल्यू, रेनॉ आनी निसान कंपनींनी ३००० ते ३ टक्क्यां मेरेन दर वाडपाची घोशणा केल्या.
-बँकिंग आनी डिजिटल वेव्हारा संबंदीत नेमांत १ जानेवारी २०२६ सावन बदल केल्यात. ऑनलायन फटवणूक आडावपा खातीर यूपीआय आनी हेर डिजिटल फारीकणी खातीर नेम खर केल्यात.
-तशेंच सीम कार्डाचें व्हॅरिफिकेशनूय खर केलां.
-एचडीएफसी बँक, स्टेट बँक ऑफ इंडिया, पंजाब नॅशनल बँक सयत कांय बँकांनी रिणाचें व्याजदर उणे करपाची घोशणा केल्या, जाका लागून गिरायकांची सुटका जाल्या.
-प्रधानमंत्री किसान सम्मान निधी येवजणेंतय कांय म्हत्वाचे बदल केल्यात. हे येवजणेचो फायदो घेवपा खातीर उत्तर प्रदेश सारक्या राज्यांनी युनिक किसान आयडी सक्तीचें केलां.
-केंद्र सरकाराच्या कर्मचार्यां खातीर आनी निवृत्तीवेतनधारकां खातीर २०२६ वर्स म्हत्वाचें जालां. सातव्या पगार आयोगाची मुजत ३१ डिसेंबर २०२५ दिसा सोंपली आनी आठवो पगार आयोग १ जानेवारी २०२६ सावन अधिकृतपणान लागू जाला. हाका लागून पगार आनी पेन्शन वाडपाची शक्यताय निर्माण जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
