भांगरभूंय | प्रतिनिधी
नवी दिल्ली, खबरां संस्था: केंद्र सरकारान दुखणें आनी तापासा खातीर वापरपी निमेसुलायड (Nimesulide) वखदाविशीं व्हड निर्णय घेतला. १०० मिलीग्राम परस चड डोस आशिल्ल्या निमेसुलाइडच्या सगल्या ओरल वखदांचें उत्पादन आनी विक्रेचेर रोखडीच बंदी घातल्या.
भलायकी मंत्रालयाच्या म्हणण्या प्रमाण निमेसुलायड हें नॉन स्टिरॉयड अँटी इन्फ्लेमेटरी वखद. ताका लागून दुखणें सोंपता, पूण ताच्या चड प्रमाणांत यकृताचें लुकसाण जावपाचो धोको आसता.
ही बंदी फकत चड प्रमाणांत (१०० मिग्रॅ) आशिल्ल्या निमेसुलायडाक लागू जातली. जाल्यार उण्या प्रमाणांतलीं वखदां उपलब्ध उरतलीं. निमेसुलायड ब्रँड विकपी वखदां कंपनींक आतां चड प्रमाणांत वखदां तयार करप बंद करचें पडटलें. पयलींच बाजारांत आशिल्लीं वखदां परतून मागोवचीं पडटलीं.
सरकारान निमेसुलायडाचेर कित्याक बंदी घातल्या?
सरकारान १०० मिग्रॅ परस चड निमेसुलायड आशिल्ल्या सगल्या तोंडी वखदांचें उत्पादन आनी विक्रीचेर बंदी घाल्या. हो नेम २९ डिसेंबर सावन लागू जाला.
हो निर्णय कित्याक घेतला?
चड प्रमाणांत वापरिल्ल्यान यकृताचें लुकसाण जावपाचो धोको आसता आनी बाजारांत ताचे परस सुरक्षीत पर्याय मेळटात म्हणून हो निर्णय घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
