भांगरभूंय | प्रतिनिधी
तरी सगळीं भलायकेन बरी उरतालीं. हाचे कारण शुद्ध हवा, घरचें बरें ताजें रांदिल्लें जेवण, नितळ उदक, ताजी फळां, सूर्याचें किरण, बरे इश्ट, बरें शेजारी आनी बरी न्हीद.
ह्या दिसांनी सुटी न्हय, मात्सो वेळान उठटा. टिव्ही बी पळयना .”रायन बडबडलो, पूण प्रणवान मात तकली हालयली. “हांव पळयतां टिव्ही. पप्पान म्हाका कांय वेळ पळोवपाक सांगलां”.
“शाणो पळय , थोडोच वेळ टिव्ही पळयता .”
“ह्या दिसांनी खूब थंडी, म्हूण उठपाक नाका दिसता. कुडकुडो येता.”
“आमची आजी स्वेटर घालून न्हीदता. पूण सकाळीं सगल्यांत पयलीं उठुन च्या करता. इतली घट कशी तें कळना. पूण विचारल्यार म्हणटा, सदांच सकाळीं उठप. अभ्यास करप, पाठांतर करप, उरिल्लो घरपाठ करप. केन्ना केन्ना आई भाकरी भाजता तर तव्याकडेन उबें रावप. इल्ले इल्लें पळयतां पळयतां शिकलें. भाकरी खावन शाळेंत वचप. वयर दूद पिवप.”
“कितलीं शाणेंपणा पळयात. पळयतां- पळयतां शिकपाक लावप.” बावलेन म्हणलें. सगल्यांक बरें दिसलें. आपली आजी बरी बुदवंत म्हणटकच तांकां मनांतल्यान आनंद जालो. जाणट्यांचें मोटेपण तांकां बावलेन जाणोवन दिलें.
“शाणें भुरगें कशें पळयलें! आजेचे उदाहरण. घरातलीं कामां करतकच आपुणच व्यायाम जाता. आपले आपुण वेळापत्रक करता. सवंय लागता. जाणटी मनशां ताका लागूनच घट्मुठ आसतात “बावलेन सांगलें.
“खावप जेवपुय वेळा वेळार आनी पुश्टीक.”
“आमी घरा भायर, हॉटेलांतलें, केन्टीनातलें केन्ना खाल्लें ना. आई जाय जाय तें आपल्या हातांनी करुंन वाडटाली, अपुरबायेन. ती नोकरी करिनाशिल्ली. घरांतच आसताली. तिका वेळुय मेळटालो.आजी सदाच सांगता. ती खंय चलत शाळेंत वताली, येताली. मोटार बी कांय नाशिल्ली, बसुय व्हरपाक येनाशिल्ली,” नेहा उलयलें.
“आमी लागसार आशिल्ले शाळा, कॉलेजीत गेलीं तर कितलें पेट्रोल, डिजल उरतलें पळयात,” म्हणलें रायनान.
“हय बरोबर रायन “खरेंच सुपर आयडिया, पूण आमकां व्हडले मोटारीचो घोस्त.” बावलेन सांगलें.
“आमच्यानी व्हड जातकच करुं येता”. म्हणलें नेहा, रेवा, उमेशान.
“कांय मोटारीचो धुंवर खूब जाला खंय, मम्मा पप्पा उलयतालीं.
“तो आतांच इल्लो इल्लो कमी करुंक सायकली वापरुंक जाय. सैम, मनशां तांची भलायकी सांबाळपाक अशें दर एकट्यान करपाचे. शक्य तितलें चलत वचप. लागीं आसल्यार पसून आमकां मोटारींनी भोंवपाची संवय जाल्या”, बावली उलयली.
“भलायकी बरी उरपाक भुरगेपणांतल्यान स्वताचें काम स्वता इल्लें करपाक जाय .” आजेन एक काणी सांगली. ती तुमी आयकात.
दोंगुलेचेर वयर शेतांच शेतां आशिल्ली. थंय ऐसपयस फकत तीन- चार घराबे रावताले. सगळें काम आपले आपुणच करताले. भुरग्यांक शाळाय नाशिल्ली तेन्ना. घरांतली आवय तांकां बरप शिकयताली. आवय बापूय कामाक वतालीं. ल्हान भुरगीं आपले परस ल्हान आशिल्ले भाव भयणीक सांबाळटालीं. पयस साकून उदक हाड, रांन्नीर दवरिल्लें शीत वाळ, ल्हान भाव भयणीक जेवण लाय. अशीं कितलीं कामां करतां करता केन्नाय एक दीस शारांत वचून आवय बापूय कपडे बी घेवन येतालीं. तरी सगळीं भलायकेन बरी उरतालीं. हाचे कारण शुद्ध हवा, घरचें बरें ताजें रांदिल्लें जेवण, नितळ उदक, ताजी फळां, सूर्याचें किरण, बरे इश्ट, बरें शेजारी आनी बरी न्हीद.
“म्हणल्यार तशीं तीं घरांतच रावनाशिल्ली एकामेकांगेर येताली, वताली न्ही? “नेहान म्हणलें.
“हय तर. गरज पडटा तेन्ना एकामेकांच्या आदाराक धांवन येतालीं.”
एक फावट एक कोलो ल्हान भुरग्याच्या फाटल्यान लागलो. तांणे किळच्यो मारतांच सगळे घराब्यांतले दादले, बायलो दांडे घेवन आयले. त्या कोल्यान पळ काडलो. अशें करुन भुरग्यांकुय धिटाय आयली. आपणे आपल्या आवय बापायचे भशेन हुशार जावचें अशें ताका दिसलें.”
सगळ्याक एकाच फावट आपोवपाची मांडणी बरी आशिल्ली. मोट्यान दोन चार शिटयो मारप. एकट्यान दुसऱ्याक दुसऱ्यान तिसऱ्याक आफोवप. खिणांत सगळी कुटुंबा एकामेकाचे खांबे जावन तयार रावताली.” बावलेचे हे काणयेतली आयडिया भुरग्यांक आवडली.
“आमी ही आयडिया घेतल्यार कशी? “रायनान म्हणलें.
“खरेंच बेस्ट ,बरें सुचलें तुका”. नेहा उलयलें.
केन्नाय चुकून समजा आमचे वर्गांतली भुरगीं चलो जावं चली चट्कन अडचणीत सांपडलीं जाल्यार ताच्या आदाराक धांवन वचपाक ही सहज सोंपी मांडणी. आमी म्हऱ्यातच, लागसारच आसल्यार ताणें घाल्ले एके शिटयेच्या आदारान सिग्नल समजुन आमी ताका आदार करुंक शकतात. नातर आमी म्हऱ्यांतल्या जाणट्यांक तो त्रासांत आसा म्हणपाचें कळोवंक शकतात.
“आयकुवंक अशें सादेशें पूण भोव उपेगाचें “म्हणलें बावलेन. आजेच्या भुरगेपणांतले काणयेन भुरग्यांक आपले कडेन आशिल्या नव्या- नव्या आयडियां विशीं चिंतपाक आज एक नवी वाट मेळ्ळी.
सगल्याक कितें सांगपाचें बी आसा? उलोवपाचें आसा? विचारपाचें आसा ?
“दुसरे खेप येतना जायते प्रस्न घेवन येतलीं. आतां सट्कन कांय सुचना. घरा पावतकच सुचलें जाल्यार सांगतात मागीर “म्हणत सगलीं भुरगीं उठली. आज पळोवंक जरी शांत जरी दिसलीं तरी तांच्या तकलेंत “आयडिया” म्हणपाचेर … विचार करतालीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
