भांगरभूंय | प्रतिनिधी
विधानसभा अधिवेशन 12 ते 16 जानेवारी : बर्च मुद्दो गाजतलो
भांगरभूंय । प्रतिनिधी
पणजी : नव्या वर्साच्या पयल्याच अधिवेशनांत लेगीत राज्याचे प्रस्न मांडपा खातीर फाटले खेपे प्रमाण ‘युनायटेड अपोझिशन’ आसतलें. विरोधी पक्षांच्या आमदारांची बसका 3 जानेवारीक जातली. काँग्रेस विधीमंडळ गटाचे बसकेंत जिल्हो पंचायत निकाला सयत अधिवेशनाचेर चर्चा जाली, अशी म्हायती काँग्रेस विधीमंडळ फुडारी युरी आलेमांव हांणी दिली.
विधानसभेचे अधिवेशन 12 ते 16 जानेवारी मजगती जातलें. हे फांटभुयेर काँग्रेस विधीमंडळ गटाची आयज सोमारा बसका जाली. राज्याचे प्रस्न तशेच जिल्हो पंचायत निकालाचेर चर्चा जाली. हे खेपे लेगीत सरकाराक धारेर धरपा खातीर विधानसभेंत सगल्य़ा विरोधी आमदारांक एकठांय हाडपाचे यत्न आसात. हाचे खातीर 3 जानेवारीक बसका आपयल्या. हे बसकेंत विशय तशेंच रणनितीचेर चर्चा जातली. पयल्या दिसा राज्यपालांचें अभिभाशण जातलें. हाका लागून 4 दिसांचें कामकाज चलतले. हे चार दीस प्रस्न मांडपाक पुराय थारचे नात. तरी लेगीत आमी यत्न करतलें, अशें युरी आलेमाव हांणी सांगलें.
बर्च बाय रोमियो लेनीक लागिल्ल्या उज्याक लागून 25 जाणाक मरण आयलें. हाचेर खासा चर्चेची मागणी विरोधक करपाचे आसा. हाका लागून बर्चाचो मुद्दो अधिवेशनाक लेगीत गाजतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
